Известные библейские стихи из Ebik 5

Поделиться

Petero n'abatume ne babaddamu nti: “Tuteekwa okuwulira Katonda okusinga abantu.

Ate buli lunaku mu Kiggwa n'awaka nga tebayosa kuyigiriza n'okulangirira Kristu Yezu.

Petero n'amugamba nti: “Ananiya, Sitaani lwaki ajjuzizza omutima gwo okulimba Mwoyo Mutuukirivu ne weesigalizaako ekitundu ku muwendo ogutundiddwa mu nnimiro? Bw'ebadde tennatundibwa, tebadde yiyo? Bw'emaze okutundibwa, tebadde mu buyinza bwo? Lwaki nno olowoozezza ekigambo ekyo mu mutima gwo? Tolimbye bantu, wabula Katonda.” Ananiya olwawulira ebigambo ebyo, n'agwa wansi, n'akalirawo. Ensisi ey'amaanyi n'ekwata bonna abaakiwulira.

Kale nno kyenva mbagamba nti abantu bano mubaveeko, mubaleke, kubanga entegeka eno n'omulimu guno obanga bya bantu, bijja kuzikirira. Naye obanga biva wa Katonda, temujja kusobola kubizikiriza; ate mpozzi mujja kwesanga nga mulwanyisa Katonda.”