Известные библейские стихи из Maak 13

Поделиться

Waai meena le kisi ni kama ni ale a va mi la nyiŋ. Alege waai a dan baga a chiib zaani a tu ninammu de meena a ga nueri, Wen le vari wa a basi.

Ni kpesi nidek abe ni a limisi dii nyiŋla, ni zɛ m jamka daiya.

Ba dan ta ni a cheŋ ga jo buusa boka dɔkku po, ni kan basi ate ni le ni biisi diila a daani ni. Ni biisi dii meena ate Wen le basi ate ni biisi la dii nyiŋla, ka Wen Chiika le ka sak ni ate ni biisi daa nama dega.

Wenŋmazuk ale tɛŋzuk meena ale jam taam dai yeŋ po, alege mi wieŋa a kan taam diipo diipo.

<<Nuru waai a zɛ Mi Saalɔbiika ŋman jamka danni. Mi ale Wen maarɔma mɛ dek a zɛ, alege ka m Kowa nyiini ale seba.

Ni dan wom kpaliŋsa wie ate si gela moata alege si gela mɛ a bo niŋniŋa, ni kan a chali yɔgsummoa. Ku a fɛ kama ayen nyaŋa de meena a nye, alege ku kan sak kama ayen tɛŋka kpeglimka a moata kama.

<<Ba nyɔnɔwa a baga a jam junɔi geŋsa yaase goota suŋsuŋ yaase kpadaasa kumsa po yaase wenbinni ale a pusi diipo la kama. Ba waai zɛ wa le cheena diipo la. Suik kula po mɛ, nama waai a kan seba mi ŋman jamka danni. Dila nyiŋla, ni kpesi nidek abe ni kan basi ate ni nyɔnɔwa a jam diiri ni ale ni dua a goa. M kan weeni ka nama nyiini, mi a weeni ka waai meena. Ni kpesi nidek abe ni a limisi.>>

Tɛŋsa le yiti a ta chaab ate naata a yiti ta chaab. Tɛŋka mɛ le choa m na yegayega ate kɔm a jam tɛŋka meena po. Ase nipok ale dɛ niŋ a dom dii alege a biak la, ku a fɛ kama ayen wieŋa de meena mɛ dɛ niŋ nye alege ate tɛŋka a jam kpeglim.

Ku a fɛ kama ayen nuru meena a liŋ wom Wen wamaŋsaŋa alege ate tɛŋka a kpeglim.

Nuruba yegayega le jam mi yuenni nyiŋ a weeni ayen, <<Ka mi ale Kirisitawa.>> Ba le paasi nuruba yegayega ayen ba va ba.

<<Ni kpesi nidek dii nyiŋla, nuruba ale jam yik ni ale pagrim a ta ni cheŋ ba tuka diinaŋa kpaŋŋa jigi ate ba bo ni buusa abe ba nak ni. Ni ale a va mi la nyiŋ, ba le ta ni mɛ a cheŋ ga zaani nalima niŋ ate ba mɛ bo ni buusa, ate ni nya suik a mooli Wen wamaŋsaŋa a sak ba.

Nuruba gela ale jam yiti a paasi nuruba ayen ba ale Kirisitawa. Ba baai mɛ le jam a weeni ayen ba ka Wen biisiteerɔba. Ba le jam a tom wakperikaliisa nna yegayega a yaali ayen ba dan poom baga ba paasi baai ate Wen a lueri ayen ba va wa la.

<<Alege ninammu daaŋa a dan jam taam, Wenbinni ale sobri ate chiika a kan nya. (Azaya 13:10) Chiŋmarisaŋa le nyini wenŋmazuk a lo ate ŋan baai meena ale bo wenŋmazuk a ta pagrim la mɛ a choa.