Ani layagola emagaha dege Ngode Datagaliwabehanda ladai bialu lalu, Ogoni henene. Í̱na mana tigabi wiadagua birigola i̱nime í̱ wali ogonila mandagi palia nabibelo mo habo larugoni. Wali ogoni i̱naga bi mana latagi haga agali mbira onego áyu ogoni abale dai bilabe. Ibugua í̱ homoligonaga bi la helo ani bibe. Anigo í̱na wali ogoni ibu agalini andaga daibi nalariyagua í̱nibi wali agali í̱ damene bu karubi bibahende homaiore holeberemi, lene.