Известные библейские стихи из Саалтыр 146

Поделиться

Биһиги Айыы Тойоммут улуу, Кини сүдү күүстээх, муҥурун булларбат муударай өйдөөх.

Кини самныбыт санаалаахтары үтүөрдэр, кинилэр баастарын эмтиир-оһордор.

Ыллааҥ, Айыы Тойону айхаллааҥ, арфаҕа оонньооҥ Таҥарабытыгар. Кини халлааны былытынан бүрүйэр, сиргэ-дойдуга ардаҕы бэлэмниир, томтор сирдэри торҕо күөҕүнэн симиир.

Айыы Тойон баттаммыты өрө таһаарар, оттон хара дьайдааҕы сиргэ-буорга быраҕар.

Кыылы-сүөлү аһылыгынан хааччыйар, аччыктаан хаһыытаһар суор оҕолорун кытта аһатар.