Известные библейские стихи из Аман өһө 15

Поделиться

Сымнаҕас харда уордайбыты уоскутар, оттон хабыр тыл уокка арыыны кутар.

Айыы Тойоҥҥо ытыктабыл муудараска үөрэтиэҕэ; көрсүө-сэмэй майгы – үтүө аат бастакы үктэлэ.

Үтүө тыл үтүөрдэр, түөкэй тыл сүһүрдэр.

Сүбэтэ-амата суох дьыала-куолу сатарыйар, оттон сүбэһит элбэҕэр табыллар.

Ким сүрэҕэ ыллыыр, ол сирэйдиин-харахтыын сырдыыр, оттон ыар санаа киһини хам баттыыр.

Айыы Тойон аан дойдуну анаарар: үтүө да, мөкү да барыта – Кини хараҕын далыгар.

Барҕа баайданан баран дьиксинэ олоруохтааҕар, дьадаҥытык да буоллар, Айыы Тойоҥҥо эрэллээх олорбут ордук.

Киҥнээх киһи иирээни тардар, оттон тулуурдаах өһү-сааһы ууратар.

Үтүө киһи ыараҥнатан баран саҥарар, оттон сидьиҥ сидьиҥи суккуйар.