Известные библейские стихи из Аман өһө 13

Поделиться

Муударайдыын бодоруһуоҥ – муударай буолуоҥ, акаарылыын булсуһуоҥ – куһаҕаны оҥостуоҥ.

Тылын кыатанааччы олоҕун харыстанар, үгүһү түөһээччи иэдээҥҥэ түбэһэр.

Уолун чыпчаххайдыан кэрэйэр киһи кинини абааһы көрөр, оттон оҕотун таптыыр киһи ноһуоратын эрдэттэн көннөрөр.

Туолан биэрбэт баҕа санаа – сүрэх ааспат бааһа, оттон ыра санаа туолуута – олох Аал луук маһа.

Көнө суоллааҕы кырдьыга харыстыаҕа, хара саҥнааҕы кыдьыга алдьатыаҕа.

Дөбөҥнүк көстүбүт үп-ас дөбөҥнүк баранар, оттон сыранан мунньуллубут – эбиллэ турар.

Бэрдимсийии өстөһүүнү эрэ үөскэтэр, оттон муударай дьон сүбэлэһэр.

Үтүө киһи үбэ-аһа оҕолоругар, сиэннэригэр тиксиэҕэ, оттон аньыылаах киһи баайа көнө киһиэхэ бэриллиэҕэ.

Аҕатын үөрэҕин ылынар уолтан муударай киһи тахсар, оттон хадаар хаата сэмэни истэ да барбат.

Ким үтүө үөрэҕи ылыммат, ол быста дьадайыа, саакка барыа, оттон сүбэни-аманы ылынааччы ытыктабылга сылдьыа.