Известные библейские стихи из YOHANES 14

Поделиться

“Diyuǝ lǝ disiǝko mi. Nya mɔ diyuǝ mimfi minlɛ mi butǝ. Inni lǝ kase kawunsiǝ eto betidi lǝǝtǝ. Biǝntǝ lǝ ilǝ mi lǝ lɛkɔɛsi. Nya biante sikpi.

Yesu ǝtǝ wǝ mbuayɛ nkǝ, “Mɔ ni kusu komǝ, sitinti siamǝ ku nkpǝ bomǝ. Kuutsyuǝ saa embubǝ Anto ǝmǝ ɔflɔ lǝ woanyɛ lǝ mɛ ǝsuǝ.”

Yesu átɛyi mǝ nkǝ, “Biǝntǝ lǝ ilǝ mi lǝ lɛkɔɛsi. Fe kase béfo Onanto bɛnɔɔ, befo mintsya bɛnɔ.

Lɛwɔnɔ Kɛnkɛ nǝ ni Ɔwunsǝkotsyuǝ wǝ Onanto lootsyese lǝ mɔ diye ǝsuǝǝ, ebote mi lesa saa nya wooklomasǝ mi lesa saa nǝ míntɛyi mi.

“Utsyuǝ saa wǝ laafo mɔ afi nya woeyifo lǝ nnya ǝsuǝ, wǝ ni nwǝ laala mɛ nɛ. Mɔ Anto ebola nwǝ laala mɛ. Nya mintsya loola wǝ nya muulǝkǝ mɔ ǝsuǝ nte wǝ.”

Mɔɔtɔ Anto ǝmǝ lǝ utǝ mi Ɔwunsǝkotsyuǝ bamba wǝ luusiǝ ko mi lefe saa. Wǝ ni Lɛwɔnɔ nǝ lǝǝlǝkǝ sitinti lǝ Onanto ǝsuǝ kate. Fɛɛ kawunsiǝ eto betidi ǝmbofo wǝ bunyǝ fɛ lǝ besu bǝtsyǝ wǝ lekpo. Fɛɛ mii, biyi Lɛwɔnɔ nǝmǝ itsyise usi ko mi nya onkpe lǝ mi ǝsuǝ.

Nya muuyifo lesa saa nǝ ke bɛtɔ lǝ mɔ diye ǝsuǝ ntǝ mi, bǝ lǝ babesǝ Anto ǝmǝ eto diye kato ɛyɛ lǝ Ubi ǝmǝ ǝsuǝ. Lǝ bɛtɔ lesa saa lǝ mɔ diye ǝsuǝǝ, muuyifo ni ntǝ mi.”

Yesu esi ɔ́tɛyi nkǝ, “Lǝ biala mɛɛ, biutsyue mɔ afi koto.

Lǝ mɔ Anto eto diyoo, nsiǝkɔ kpǝ kpe. Ntɔ lǝ nsu nlɔ nsiǝkɔ ntsyǝ mi. Nya mǝmbɔtɛyi mi nko, lenni nko ini.

Nya lǝ nsu nlɔ nsiǝkɔ ntsyǝ ntǝ mi nlosǝǝ, muusinkli mbǝ nkpa mi nsuko mɔ ɔflɔ, itǝ bǝ kaka minkpee, lǝ mi tsya lǝ bisiǝ mfó.

Toma átɛyi wǝ nkǝ, “Bonamute, bunyi kaka fantɔ. Nya ntsyǝ buuyifo bote kusu ko bɔɔyɛ bubǝ fǝ aflɔ?”