Известные библейские стихи из Okuvaayo 31

Поделиться

“Bona eno, nonze Bezalelo mutabane wa Uri era mwidhukulu wa Hura, era nga wa mu kika ekya Yuda. Naamugha ku maani gange, naamugha obusobozi, n'amagezi, n'obumanhi, era naamugha okutetenkania n'okuyiiya. Nhenda ayiiye ng'akozesa amagezi amangi einho, ng'akola ebintu ebitali bya nsambo ndala, mu zaabu, mu feeza, ni mu byuma eby'ekikomo. Era ng'abaadha amabaale ag'omughendo ag'okutaanha, era ng'asala obuntu obudholiga ku mbaawo, era ng'atetenkania yaayiiya mu nsambo kamaala.

“Koba abantu Abaisiraeli oti mukuzenga olunaku lwange olwa Sabbato, kuba n'akamanhiso ghagati ghange n'imwe, n'abaana baimwe, n'abaidhukulu ense n'ense olwo mughange okumanha nga nze Musengwa Katonda ninze mbatukuza.

Era kaidha kubanga kamanhiso akatawaagho ghagati ghange n'Abaisiraeli boonaboona okubaidhusanga nze Musengwa Katonda bwe nakola eigulu n'ensi mu nnaku omukaaga, ku lwomusanvu ni ndekera agho okukola, ni mpuumula.”