Известные библейские стихи из Okuvaayo 2

Поделиться

Katonda yaawulira okulira kwaibwe, era yaidhukira endagaano ye ni Aburahamu, ni Isaaka era ni Yakobo. Katonda yaalingirira Abaisiraeli, yaamanha nga bali bubi, era yaabalumirwa.

Bwe ghaabitagho ekiseera ekireeyi, kyabazinga ow'e Misiri yaafa. Era mu kiseera ekyo ng'Abaisiraeli bali mu nnaku olw'okubakozesa ng'abairu. Era mu bulumi obwo nga balira n'enaku olw'okubula ow'okubayamba. Okulira kwaibwe okwo kwatuuka ku Katonda.

era bweyakula yaamwiriza omumbeedha mughala wa kyabazinga, oyo yaamufuula mwana we era yaamutuuma eriina Musa ati, “Kuba namutoola mu maadhi.”

Bwe yatuuka omumbeedha yaamukoba ati: “Twala omwana ono omuunhonkeze, ndikugha empeera yo.” Kale omukazi yaatwala omwana yaatoolera okumwonsa

Mperaano, mughala wa kyabazinga yaidha okunaaba mu mwiga. Abairu be abakazi baasigala nga batambulatambula ku mbali okw'omwiga. Yaja okubona, ng'abona ekiibo mu bitoogo ebyakulira ku mbali okw'omwiga yaatuma omwiru we omukazi yaakinona.

Lwali lulala nga Musa amaze okukulira irala, yaafuluma mu kisaagaati yaaja okubona ku bantu be Abaheburayi. Bwe yatuuka yaalingirira yaabona engeri ye baabakakanga okukola emirimo emikalangufu. Era yaabona Omumisiri ng'ali kukuba owundi ku bantu be abo, ate nga Musa yeena yali Muheburayi. Agho yaalingalinga eno n'ere nga ghazira ali kumubona, yaita Omumisiri oyo, omulambo gwe yaagugisa mu musenho.