Известные библейские стихи из 1 Corintios 5

Поделиться

Pocotsiwa aunxuae paca tsipaebatsi baraxua icha cartatha bayatha pacata tinatsi. Jan: “Jopa bewa payawa muxuna jinompaem pomonae abe peexanae jiwi bequein paeba xua pinae jume cowʉnta Jesucristo. Barapomonae jopa bewa payawa muxuna jinompaem pomonae pesi cui weiweinae jiwi, irʉno pomonae jimʉn jiwi xua ichichipa copei xeinaewi naexana beyacaincha xua ichamonae irʉno pomonae ibo nacomʉn wʉnae pejainchiwi, irʉno pomonae nacʉpa penaexanaewi, irʉno pomonae jiwi pebiataewi, irʉno pomonae pecaibi jiwi daxita barapomonae jopa bewa pabarʉ xaem bequein paca wabitha tsipaeno xua painya nenanabanaewa tsane”, jan.

Painya xainya weya patorore pon abe peexanaein abe peexanaeyainwa daxita painyamonae xua icha bapon ichi xua abe exana. Barapo coyene icha be ichi poxonae jiwi levadura bebai, po levadura peru levadura abe peexanaeyainwa pan matabʉtha. Poxonae bapo pebin patorotame bapoxonae painyamonae pomonae pejume cowʉntsiwi xanepanaya jinompaena. Caena bayatha judiomonae juteba oveja xua poxonae pewʉnaeya tsane poxonae Egipto nacua weya pona. Bapoxonae Nacom yabara jʉntemaina judiomonae abe pia peexanae cuiru coyenein tatsi poxonae cordero bexotsi xua oveja pebto penʉn. Nacom tsitatsi xua Cristo bara be cordero poxonae tʉpa naetotha. Cristo naca tsitʉpa xua abe waexanae cuiru coyenein icha cordero ichi xua tsitʉpa xua judiomonae abe pia peexanae cuiru coyenein tatsi.

Xan jopa neitacʉpaeyo xua jiwi tayabara paebiwa xua penatsicuentsiwa Nacomtha xua abe peexanaexae pomonae jopa jume cowʉntsiyo. Jame apara meisa Nacom yabara paeba xua penatsicuentsiwa xua abe peexanaexae pomonae jopa Nacom pejume cowʉntsiwichi. Ichitha bewa payabara paebim xua penatsicuentsiwa pomonae penacaetutsi jiwi pomonae pejume cowʉntsiwixae xua abe peexaneibixae poxonae. Daxota bewa paxam patorotsim pon abe exana painya xantha pon penowa tsiperʉ wenacoyoba xua awiya barʉ jijinapona.