If you would like a copy of this version please contact info@davaraudiobibles.org

Text: Noiri New Testament, CC-BY-SA-4.0, The Love Fellowship. Audio: Noiri New Testament, CC-BY-SA-4.0, Davar Partners International, The Love Fellowship, 2023

Noiri New Testament

Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.

ऐ पाही जाहा आय परमेश्वराआ भेद होमलाडतु तुमाआ जागे आवयु, ते शब्दाआ या ज्ञानाआ उत्तमताआ आरी नाहा आवयु. काहाके आय ओ ठेरवील्यो लेधलो ओते का येशु ख्रिस्तपण क्रूसापोओ चढवओल्य ख्रिस्ताहा सोडीत कोडनीबि दिहरा गोठीकोता मालुम कोअनारू नाहा. आय अशक्त पोनामे ओ अने भितीपोरोत अने जास्तीज कापीत ओतलू तुमाआरी रोला, अने माआ वचन अने माआ प्रचारामध्ये ज्ञानाह विहिरावणारी गोठी नाहा पण आत्माआ अने सामर्थ्याचे प्रमाण ओते, यकोअता का तुमाआ विश्वास मांहो ज्ञानावर नाहा पण परमेश्वरोओ सामर्थ्यापअ अवलंबून होय.

तेबी पण हीदू माहुंमे आमाहा ज्ञान होमलाड्यू पण तिया संसाराआ अने आव संसाराआ नाश उवनारू अधिकारी ज्ञान नाहा, पोन आमू ते गुप्त ज्ञान जे उघड नेसलेल्या रीतीपो कोत्लू ज्याहा परमेश्वराने कायम त्यापोरोत आमा गौरव कोअता नियुक्त कोल्यु होय. जे जुगाआ अधिकारी मधून कोडूच ओलखे नाहा काहाके जर तिये ओलखे ओते ताहा तेजस्वी प्रभूहु क्रूसापोओ चोढावीत कायना ओतो. पोन जेहलो लेखिलो होय, “ज्या गोठी डोआवाही पाल्या नाहा, कानाकी होमल्या नाहा, अने ज्या गोठी मांहाहा विचारोम आव्या नाहा तियाआ होय ज्या परमेश्वराने आपाआ प्रेम कोअनारा कोअता बानावल्या होय.” पोन परमेश्वराने तियाहा आपाआ आत्माआ त्यापोरत आमा उपो प्रगट कोल्यु काहाके आत्माआ आखे गोठी पारखुन लेहो एवडोज नाहा ताहा परमेश्वरोओ नीकाईसरोल्या गोठी पण पारखिल्यु लेहो. माहामेह रोत कोडू कोडनीबि मांहाहा गोठी पारखिल्यु लेहो फक्त माहांआ आत्माआ जी तीयाम होय तेहलूज परमेश्वरोओ गोठी पण कोडोबी मालुम नाहा फक्त परमेश्वरोओ आत्माज जाआत्लू. पोन जाहा जगाओ आत्माआ नाहा, पण तो आत्माआ मिल्यू होय जो परमेश्वारापो रोत होय म्हणजे आमाहा तियाअ गोठी होमजुत्लू ज्या परमेश्वराने आमाहा आप्या होय. आमू मांहुहू हिकाडीलो गोठीपो नाहा पण आत्मावांहि हिकाडीलो गोठीमेहे ज्याहा आत्मिक गुठ्या मिलवीत होमलाड़त्लू. पोन शारीरिक मांहु परमेश्वरोओ गोठी हिकाडीत नाहा, काहाके ते तियाआ नजरोम मुर्खातिही गोठी सारखो होये आने नाहा ते तीही होम्जीलो सेकतेहे काहाके तियाआ पारख आत्मिक रीतीवाही ओते. आत्मिक जोओ आखे किबी पारखितो, पण तो स्वतः कोडापरोत समजीत्लू जात नाहा. “काहाके प्रभूऊ मोन कोडाआ मालुम होय का तियाहा हिकाडीलो? पण आमामेरोत ख्रिस्ताचे मोन होय.”

Слушайте 1 कुरिन्थि 2