Htû̌sò̌htò̌ 8
8
Cǒmara ata̤sîrîdû̌sîrîhtû kû̌ kòyò hǎkhû̌phû̌ ata̤mi̤dû̌sîrîhtû
Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤tokhlǒ aikǒlǒkò dǒ ta̤lṳhtò̌hôkû nutôpwa̤ aya. Dě tôbǎ sǎwǐ wô̌wô̌ kû̌ pwa̤dǒ ta̤dǒta̤ǔ mè̤̌hǒ a dǒ ta̤dǒta̤ǔ dǒ apli̤ nuhǒ.
1Ǒ pa Běcǎdû̌, Cǒmara tûjû̌pwa̤, na mi̤dû̌ mi̤lṳ̌shilṳ̌gǎ lǒ̤bò hǎkhû̌ tôbě꤮bò.
Kòyò htû̌sò̌htò̌nǐ̤ na ta̤sîrîdû̌sîrîhtûnu alṳ̌htò̌ tǒ̤dǒ mǒkhû̌.
2Pô̤̌khô pwa̤sǎkhě na kû̌ pwa̤ma̤lǐ̤ geshî̌shu na tokhlǒ gǔ ô̌ sǔtǔkǔ kè aya, na gǔ no htû̌sò̌htò̌ phijǎphû̌ sîtokhlǒ kû̌ phijǎphû̌ dǒ a ônû̌ pe nutokhlǒ.#Matè̌ 21:16; Kôritu awǐlǒ tôbǎ 1:27
3Bǎ he kè̌htò̌ mǒlǎ̤ dǒ na bô̌ a kû̌ na cǔde, dě he kè̌shǐ la kû̌ shǎ dǒ na ma̤bǎ tûû̌ asî agûlǎ̤ kû̌ agûlǎ̤ nutokhlǒ akhanu, 4na cû̌ shôpe̤ pe padô̌ kòyòhǎkhû̌phû̌ tô̤̌mî̌, asî mî̌ kòyò hětè tokhlǒ ya?
Asî mî̌ kòyò dǒ a bǎsi pě tokhlǒ pwǎ, na cû̌ kè̌khwè̌ǐ tûû̌ asî pwǐnu mî̌ ma̤titè?#Yṳ̂bǎ 7:17-18; Htû̌sò̌htò̌ 144:3; Hebrǔ 2:6-8
5Na ǐ kòyòhǎkhû̌phû̌ ta̤siwi̤sòwò̤ dǒ ajǎkhlo kû̌ nanǎ̤ tîkî̌phû̌ bǎbǎkǎlè dǒ nô̌kònu, na ǐ gesô̌ asî ta̤bwǐdû̌sîrîhtû.#Mǒhtûlû̌hǎhtûsa 1:26; Hebrǔ 2:7
Dě na bè̌dû̌bè̌htû sô̌ asî.
6Na nopǒǐ bò a kû̌ lǒ̤bò na bô̌lò̤ nutokhlǒ.
Na dò̌lò̤ bò ta̤pṳ̂̌ tôcǒ dǒ akhò̌lôpô̤̌lǎ̤.#Mǒhtûlû̌hǎhtûsa 1:26-28; Kôritu awǐlǒ tôbǎ 15:27; Ěphěsu 1:22; Hebrǔ 2:8
7Lǒ̤bò sû̌phû̌, pṳ̂̌panǎ̤ kû̌ ta̤mi̤ta̤mò̤̌ dǒ aplò̤ bǎbǎ, 8htû̌phû̌ wi̤ dǒ mǒlǎ̤ bǎbǎ, tò̤̌ ô̌ dǒ shidû̌tewe̤kû bǎbǎ, lǒ̤bò na bô̌lò̤ a dě a gòyò̤̌cû̌ dǒ shidû̌tewe̤kû nutokhlǒ bǎbǎ, nano pǒǐ bò kû̌ a.
9Ǒ pa Běcǎdû̌, Cǒmara tûjû̌pwa̤, na mi̤dû̌ mi̤lṳ̌shilṳ̌gǎ lǒ̤bò dǒ hǎkhû̌taběbò hǒ.
Selectat acum:
Htû̌sò̌htò̌ 8: KXF
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Wycliffe USA