Htû̌sò̌htò̌ 66
66
Lî̤sǎwǐ htû̌sò̌htò̌ kû̌ ta̤hî̌bwǐsîrî
Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤ tokhlǒ aikǒlǒkò dǒ ta̤lṳhtò̌hôkû nutôpwa̤ aya.
1Kòyòhǎkhû̌phû̌ lǒ̤bò sî, sǎlě̤sǎlò̤ yî̤̌kǒ htû̌sò̌htò̌ Cǒmaradû̌.
2Sǎwǐhtò̌mò̌ ami̤ dǒ asîrîdû̌sîrîhtûnu.
Cǒmara mî̌ asîrîdû̌sîrîhtû gutṳ̌ hî̌ lô̌khô pô̤̌nu.
3Hî̌ Cǒmaradû̌ kû̌, “Na ma̤ta̤ tokhlǒnu a cô̌klǐcô̌sè gutṳ̌.
“Dǒ na ta̤sîrîpô̤phǎ nî̌ ashû̌asho gutṳ̌ akhû̌akhî, pwa̤sǎkhě na tokhlǒ ǐsha gònò̤̌gòglè dô̌gînî̤lò̤ bò dǒ na lô̤mô̤̌.
4“Lǒ̤bò kòyòhǎkhû̌phû̌ cubucabahtò̌ na.
“Asî sǎwǐhtûsò̌htò̌ na.
“Asî sǎwǐhtûsò̌htò̌ nami̤.”
5Hè kè̌mò̌ Cǒmaradû̌ ma̤ta̤nu.
A ma̤ bǎ kòyò hǎkhû̌phû̌ agûlǎ̤nu sǎgònò̤̌ ǐsha jî̌jî̌.
6A no sǔtèkhwě꤮ kè shidû̌shite̤we̤.#Hǎplǎge 14:21
Asî cû̌bò̌ kèbò shidû̌te̤we̤ kû̌ khò̌lôpô̤̌.
Dǒ a ma̤ta̤ pô̤̌nukhû̌khî, pa sǎlě̤sǎlò̤ mî̌ca.#Yṳ̂shǔ 3:14-17
7A pǒǐ ta̤ kû̌ ata̤sîrîphôphǎ tûjû̌pwa̤.
A kè̌shǐbò kòyò lǒ̤bò.
No shěshǔ tǎ̤ a kû̌ kòyò dǒ aikǒpwǐ̤nu tǎ̤mǎ̤.
8Ǒ kòyòhǎkhû̌phû̌ lǒ̤bò sî, htû̌sò̌htò̌ pa Cǒmaradû̌.
No ganǎ̤debò kòyò kû̌ sî ta̤htû̌sò̌htò̌ lû̌ûnu.
9A no si pa khôtô̤̌, kòyò ma̤pè̤̌ nô̌ pa tôpwǎ̤tô̤̌.
10Ǒ Cǒmaradû̌, na ma̤kè̌kè̌ pa hǒ, asô̌sô̌kû̌ kòyò sèlèkè̌kè̌ ma̤bûphǔ ruyî̌ kû̌ mî̌nu.
11Na no tôphôbǎ pa kû̌ sumṳ̌.
Na no ò̌ pa kû̌ ta̤kî̌ta̤krû̌ dǒ ahtǒ.
12Na no htò̌yî̤̌ paikǒ kû̌ pwa̤sǎkhě pa.
Pa khòbǎ asô̌sô̌kû̌ kòyò dǒ a khòbǎ mî̌ulò̤tě̤ shidû̌bǐbò nu.
Bǎbǎkǎlè khònò̤̌ na ǐ lǒlǒbebe betǐpǐ pa.
13He gǔ phî̌hè nǐ̤ lǎ̤shû̌u lṳhtò̌ kû̌ na tokhlǒ dǒ nata̤lṳ̌htò̌hôkû.
He gǔ ma̤lǒbehtò̌ he ta̤olò̤ pô̤̌ he olò̤ hto nanu.
14Bǎ he kè̌shǐtṳ̌bǎ kû̌ ta̤pò̤̌ta̤sha akhanu, he olò̤ hto heyô̤̌ hǒ.
Khònò̤̌ he ma̤ pô̤̌ he ta̤olò̤ pě.
15He gǔ shû̌u lṳhtò̌ na kû̌ ta̤phû̌ta̤wè̤ dǒ abû̌suklǔtû̌ kû̌ sû̌phû̌phadû̌.
A glè̌ gu numû̌nushu htò̌ dǒ naô̌ pě.
He gǔ lṳhtò̌ na kû̌ pṳ̂̌phadû̌ kû̌ pè̤̌ tokhlǒ.
16Ǒ kòyò dǒ a ǐsha bè̌dubè̌nǎ̤ Cǒmaradû̌ lǒ̤bò sî, hè mò̌ dě ganǎ̤de lô̌khô.
He glè̌ ǐ sî kû̌ ta̤ dǒ a ma̤ bǎ htobò henu.
17He kwisǎyṳhtò̌ lû̌û ta̤ma̤jè̌.
He htû̌sò̌htò̌ lû̌û kû̌ lî̤sǎwǐhǎwô.
18He kè̌ bè̌û̌bè̌bǐkè ta̤sǔ dǒ he sǎphlǒkû mî̌, Běcǎdû̌ ganǎ̤de heta̤kwinu tô̤̌.
19Bǎbǎkǎlè Cǒmaradû̌ ganǎ̤de mè̤̌caca he ta̤kwi.
A ganǎ̤de he ta̤kwicabanu.
20Htû̌sò̌htò̌ Cǒmaradû̌.
A htè̌shěshu he ta̤kwicaba lû̌ûnu tô̤̌.
A mô̤nǐ̤ he kû̌ ta̤mô̤ dǒ ahǎbòjò tô̤̌nu pṳ̂̌tôplǎ.
Selectat acum:
Htû̌sò̌htò̌ 66: KXF
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Wycliffe USA