Htû̌sò̌htò̌ 23
23
Cǒmara tûjû̌pwa̤ mî̌ pwa̤kè̌ǐ sû̌phû̌ dǒ awô̌
Khwǐdawi̤ ata̤sǎwǐ
1Cǒmara tûjû̌pwa̤ mî̌ pwa̤kè̌pǒ̤ǐ he sô̌sô̌kû̌ kò kè̌ǐ sû̌phû̌.
Ta̤ dǒ he lǎ̤lṳ̂ tokhlǒnu he ta ô̌bò. #Yashǎya 40:11; Yṳ̂ha 10:11
2A dǐ hǎmôô̌ he dǒ mi̤sulǎkhû̌.
A sûcû̌ he dǒ shilô̤̌ alò̤ sǎdô ahtu.#Ta̤dǔlè̌lṳ̌htò̌ 7:17
3A ǐshû̌htò̌shohtò̌ he ta̤htûpwa̤ akhû̌ǎ.
Dǒ ta̤bè̌dubè̌nǎ̤ ami̤dû̌ ayanu, a sûcû̌ he dǒ klè̌cǒklè̌tè̤.
4He cû̌tǒ̤ dǒ ta̤khǐta̤lo̤ ta̤si gûlǎ̤ bǎbǎ, na ô̌ kû̌ he akhû̌akhî, he ǐsha tôcǒ tô̤̌.#Htû̌sò̌htò̌ 118:6
Na nò̌po̤ kû̌ na nò̌htǒ ma̤mô̤ǐ he.
5Na tîwî̌tòwò lǒbe bǎ he shǎǎshǎô dǒ pwa̤sǎkhě he tokhlǒ alô̤mô̤̌.
Na plṳ̌ bǎ he ikǒ kû̌ mòû̌shi, he balě mî̌ abetǐpǐ.
6Ta̤wî̤ta̤wô̌ kû̌ ta̤mô̤ta̤bǎ gû̌ lṳ̂ kû̌tû̌ he dǒ he ta̤ô̌htûpwa̤ tôhtukòyò akû pě.
He ô̌ dǒ Cǒmara tûjû̌pwa̤ ahǐ tûjû̌pwa̤ talakhǎ pě.
Selectat acum:
Htû̌sò̌htò̌ 23: KXF
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Wycliffe USA