Htû̌sò̌htò̌ 146
146
Ta̤htûsò̌htò̌ǐ ta̤ma̤hǎplǎge a Běcǎ
1Htû̌sò̌htò̌ lô̌khô Cǒmara tûjû̌pwa̤.
He htû̌sò̌htò̌ Cǒmara tûjû̌pwa̤ kû̌ he sǎphlǒtômèbò.
2Bǎ꤮ helṳmṳ̌ni̤ lṳmṳ̌sa ô̌nu he htû̌sò̌htò̌ Cǒmara tûjû̌pwa̤ pě.
Bǎ꤮ he ô̌htûpwa̤ pe akhanu, he sǎwǐ htû̌sò̌htò̌ǐ he Cǒmaradû̌ pě.
3Nǎla̤ǐhtò̌ tǎ̤ lô̌khô pwa̤htûikǒlǒkò tokhlǒ mǎ̤.
Kòyò hǎkhû̌phû̌ ma̤hǎplǎkè jò sî tôpwa̤꤮ tô̤̌.#Htû̌sò̌htò̌ 62:8-9, 118:8-9; Yeramǐya 17:5-7
4Bǎ asî sikè akha pěnu, a getîkhî lô̌khô pwǎ dǒ hǎkhû̌ pě.
Ata̤yè̤lò̤nǎ tokhlǒ apî̌kèbò bǎnu tôni̤ pě.
5Kòyò dǒ Phayakò a Cǒmaradû̌ ma̤jè̌ asî nî̌ a nǎla̤ǐ pwǎ tǒ̤ Cǒmara tûjû̌pwa̤ a Cǒmaradû̌ nô̤̌ tokhlǒnu, a nǐ̤bǎ ta̤ǐshôwî̤.
6Mǒkhû̌hǎkhû̌, shidû̌te̤we̤ sîtokhlǒ kû̌ ta̤ lǒ̤bò dǒ a ô̌ bǎ ta̤hǒo tokhlǒ akû tokhlǒnu, a bô̌lò̤ lǒ̤bò.#Pwa̤nophû̌ 4:24, 14:15
a cǒ kû̌ ayô̤̌ tûjû̌pwa̤.
7A cî̌htò̌cǒcî̌htò̌tè̤ bǎ kòyò dǒ kò ma̤jî̌ma̤jû̌ lû̌û tokhlǒ aya.
A dǐǎdǐô bǎ pwa̤sǎwǐ̤sǎô.
Cǒmara tûjû̌pwa̤ ma̤hǎplǎ kòyò lò̤tě̤ dǒ apô̤kû.#Dǒhtû̌ǐ 10:17-18
8Cǒmara tûjû̌pwa̤ ma̤lî sô̌ bǎ kòyò mǐ̤sǎkhǐ tokhlǒ amǐ̤sǎ.
A ma̤jè̌ kòyò dǒ a sǎphlǒpî̌.
A mô̤ǐ kòyòcǒkòyòtè̤.
9Cǒmara tûjû̌pwa̤ kè̌ǐma̤ǐ pwa̤htû shǐpwǎ̤shǐmè̤.
A ma̤jè̌ pwa̤mǒ̤khwè̌ kû̌ phû̌ khwè̌sî.
A ma̤pî̌ma̤lṳ̂̌ kèbò kòyòkhu phû̌mò̤̌ ata̤gènè̤ ô̌nǎ.
10Ǒ꤮ Wî̤̌sǐû, na Cǒmaradû̌, Cǒmara tûjû̌pwa̤ pǒǐ kòyò tôhtu hto tôhtu.
Htû̌sò̌htò̌ lô̌khô Cǒmara tûjû̌pwa̤.
Selectat acum:
Htû̌sò̌htò̌ 146: KXF
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Wycliffe USA