Htû̌sò̌htò̌ 142
142
Ta̤kwicaba dǒ ta̤ma̤jè̌ aya
Hǒmî̌ Khwǐdawi̤ ata̤sǎwǐ kû̌ dǒ Hebrǔyô̤̌ nu, a kaǎ ta̤sǎwǐnu kû̌ Masakǐla ta̤sǎwǐ dě ta̤sǎwǐ nutôshǒ mî̌ bǎ aô̌ dǒ lǒ̤kû dě a kwicaba akhanu, a sǎwǐ ta̤sǎwǐ nutôshǒ.
1He kwihtò̌ ta̤ma̤jè̌, ta̤sǎyṳ dǒ Cǒmara tûjû̌pwa̤ a ô̌.#Htû̌sò̌htò̌ 3:4
2He pwe̤ǐ shôbǐǐlṳ̌ lǒ̤bò heta̤kookasha, heta̤pò̤̌ta̤sha dǒ lû̌lô̤mô̤̌.#Htû̌sò̌htò̌ 62:8
3Bǎ hesǎphlǒpî̌ mî̌ca akhanu, pwa̤ dǒ a sî̌ganǎ̤ heklè̌ numî̌ tǒ̤ natôpwa̤ pwǎ.
He cû̌ bǎtètè̌ bǎbǎ pwa̤sǎkhě he tokhlǒ dò̌nǎ he kû̌ yṳglǒ.
4Ǒ Cǒmaradû̌, kè̌mò̌ dǒ he cǔtamû tôkhô, pwa̤ma̤jè̌ he, pwa̤takabǐ he, pwa̤kè̌khwè̌ǐ henu a ô̌ tôpwa̤ tô̤̌.
5Ǒ Cǒmara tûjû̌pwa̤, he kwisǎyṳhtò̌ na.
He hî̌ kû̌, “Na mî̌ pwa̤takabǐ he, dǒ heta̤ô̌htûpwa̤ akûnu he sǎmǒ nǎla̤ǐ pwǎ tǒ̤ na.”#Htû̌sò̌htò̌ 16:5
6He khû̌shiǎjǎ tûlû̌ akhû̌akhî, ganǎ̤de kû̌ heta̤kwigwèbǎhtò̌ na.
Pwa̤ma̤jî̌ma̤jû̌ kòyò tokhlǒ shû̌shokhò̌sho mî̌ca dǒ heya akhû̌akhî, ma̤hǎplǎkè he dǒ asîcǔdekû.#Htû̌sò̌htò̌ 41:1, 116:6
7Pô̤̌khô he gǔ htû̌sò̌htò̌ bò̌ nami̤ ayanu, ma̤hǎplǎ he dǒ apô̤kûnu.
Na wô̌mî̌ca bǎ dǒ heya akhû̌akhî, kòyòsǎphlǒwô̌ tokhlǒ ô̌te̤we̤ bò kû̌ he.
Selectat acum:
Htû̌sò̌htò̌ 142: KXF
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Wycliffe USA