Htû̌sò̌htò̌ 120
120
Ta̤kwicaba dǒ ta̤ma̤jè̌ aya
Bǎ kòyò tokhlǒ ihtǒ lô̌khô dǒ Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ.
1Bǎ he ô̌ dǒ ta̤pò̤̌ta̤shakû akhanu, he kwisǎyṳhtò̌ Cǒmara tûjû̌pwa̤ dě a ma̤jè̌ he.
2Ǒ Cǒmara tûjû̌pwa̤, ma̤hǎplǎkè he dǒ kòyò lòhǎlòhô, kòyòplò acǔdekû.
3Ǒ kòyò lòhǎlòhô, Cǒmaradû̌ gǔ ma̤ sî hětè pě ya?
A gǔ cî̌htò̌jî̌ klopû sî pwǐ tè pěya?
4Pwa̤htò̌shěta̤ aplǎ̤ dǒ a htòwô̌bǎ tokhlǒ gǔ shěnṳ̌bò sînǎ̤.
Kòyò gǔ shû̌u sî kû̌ mî̌klû̌ dǒ agè̌ li̤pi̤sǐ.
5He cû̌ô̌ pô̤̌ shǐtèmè̤nu dǒ Mèshègǎ, he cû̌ ô̌ dǒ Khûkeda hǐphû̌kû akhû̌akhî, ajî̌ajû̌ mî̌ca he.
6He cû̌ô̌ yî̤gîpî̤ kû̌ kòyò dǒ a sǎkhěkhû̌khwè ta̤pè̤̌ta̤dû.
7He sǎyṳ pwǎtǒ̤ ta̤pè̤̌ta̤dû.
Bǎ he hî̌bǎ ta̤pè̤̌ta̤dû akhanu, asî sǎyṳ còcè̌ pwǎ ta̤shěta̤pě̤.
Selectat acum:
Htû̌sò̌htò̌ 120: KXF
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Wycliffe USA