Htû̌sò̌htò̌ 112

112

Kòyòcǒkòyòtè̤ ata̤ǐshowî̤ tokhlǒ

1Htû̌sò̌htò̌ Cǒmara tûjû̌pwa̤.

Kòyò dǒ a ǐsha bè̌dubè̌nǎ̤ Cǒmara tûjû̌pwa̤ dě a sǎphlǒô̌ jûlě̤phǐ ta̤mǎlò̤nu a nǐ̤bǎ ta̤ǐshowî̤.

2Bǎ hǎkhû̌nu, aphû̌ali̤ bwǐdû̌sîrîhtû pě.

Kòyòcǒkòyòtè̤ akhlialè nǐ̤bǎ ta̤ǐshowî̤ pě.

3Ta̤lě̤dû̌pwî̤htû, ta̤dû̌yò̤̌htò̌sa sîtokhlǒ ô̌ dǒ ahǐdǒkû.

Ata̤cǒta̤tè̤ ô̌měô̌gle tûjû̌pwa̤ pě.

4Asî ma̤bwǐma̤sîsî kòyò, gwèbǎǐ kòyò, acǒatè̤ akhû̌akhî, asô̌sô̌kû̌ ta̤lî tômè dǒ a lîkakhalṳ̌ bǎ kòyò sǎphlǒwô̌.

5Kòyò dǒ a sǎleǐ ata tô̤̌, a dǐlô̤̌dǐbǒpè̤̌ kòyò, a kè̌lǎcǒtè̤ ruhtanu, a ǎbǎôbǎ pě.

6Kòyò sǎphlǒwô̌nu, a lò̤jû̌ tôkhò̌ tô̤̌.

Kòyò shôpe̤jò lû̌û tôkhò̌ tô̤̌tô̤̌.

7A ganǎ̤de ta̤we̤ta̤kè dǒ awô̌tô̤̌ tokhlǒ bǎbǎ a ǐsha tô̤̌.

A yṳ̌ǎ kè̌shuǐ Cǒmara tûjû̌pwa̤ akhû̌akhî, a sǎphlǒshû̌ sǎphlǒsho mî̌ca.

8A sǎphlǒshû̌ sǎphlǒsho mî̌ca dě a ǐsha tôcǒtô̤̌.

Dǒ anô̌kò gutṳ̌ pě dě, a kè̌shǐ Cǒmara ma̤pî̌kè a pwa̤sǎkhě nutokhlǒ pě.

9Pwa̤cǒpwa̤tè̤ tôpwa̤ sǎphlǒshû̌ ma̤jè̌ kòyò hǎwě̤shèwè̤.

Ata̤cǒta̤tè̤ nî̌ a ô̌měô̌gle tûjû̌pwa̤.

A nǐ̤bǎ ta̤bwǐdû̌sîrîhtû, kòyò bè̌dubè̌nǎ̤ a pě.#Kôritu ginǐ̤bǎ tôbǎ 9:9

10Kòyòkhu phû̌mò̤̌ kè̌shǐ ata̤ma̤ dě a sǎphlǒ gû̌gè̌ mî̌ca pě.

Asî sǎphlǒdû̌ gwěbò khû̌khi dě a hǎmǎkèbò pě.

Ata̤sǎyṳ tokhlǒnu, a nǐ̤bǎ pe tôcǒ tô̤̌.

Selectat acum:

Htû̌sò̌htò̌ 112: KXF

Evidențiere

Copiază

Compară

Împărtășește

Dorești să ai evidențierile salvate pe toate dispozitivele? Înscrie-te sau conectează-te

Versete biblice populare din
Htû̌sò̌htò̌ 112