Zakariya 7
7
Ukulya kwakuyitopwa kuwipe akusumbichilwa
1Imfumu e Leza apa Zakariya amazwi yakuvwanga mumwaka wachitini uwawufumu wakwe Dariasi. Palinji apawanda wachitini wamwezi wachitimufundikambai, umwezi wuno wakutanji Kislevu.
2Awantu waku Betele watezile watuma Sharezeri nu Regimeleki apaliponga nawantu wawo kung’anda ya Mfumu e Leza wamaka yonsi ukuwa lambilizya ukupepwa kwa Mfumu e Leza, 3ukuyawuzya wasimapepo nawatumwa iwuzyonye lyoo ilyakuti, Wuzye tulandalile tulange tukulosya muno ing’anda yakupepela Leza yamongolwa, twize twikale nanti kulya chimwi mumwezi wachitisano, tuchitile ndimuno tukachitila imyaka yonsi?
4Izwi lya Mfumu e Leza lyizile kwenene. 5Aliti, Kanene awantu wamunsi, unene nawasimapepo, ukuti pano wakanile ukulya awikala ninzala swinya awalosya mumwezi wachitisano nu wachitimunenulambali kumpindi yamyaka amakumi munenulambali, watanchindikanga nene. 6Naponye pano walyanga awang’wa nukung’wa, koko kwalinji akwakuyikusya woliwo wonga.
7Choo achilichonganye nachino Imfumu e Leza wawanenezile mumilomo yawatumwa wakutalika, pano Yerusalemu walinji nu longo, nawantu mwenemo pwi napano awantu wikalanga mutwaya tuna twaliwilizizye akaya kakulu, muchipya chansi yakambazwa, namwisika mumyamba kasika.
Ukuntatontela kwaleta ukuchinswa
8Imfumu e Leza watumilizizye Zakariya amazwi yaa ayakuti, 9Nawakomelezya ukupanzya numutende wakusimichila. Mwensinye mwazipila ukuwa nichikuku numwezo wankumbu kuwantu wawuyo. 10Mutize muwavindilichizya awanachi wafwilwe awalume, nanti awandekwa, nanti amakandi yano mwikala nayo, nanti akwima awasowelwe. Mutize muwavwambilizya inzila zyakuchisana muwalovyania.
11Ukuwa awantu awatumba awakana ukwivwa. Awafundika amakutwi namano yawo kwechonye-choo. 12Imyezo yawo ikala ngati wemfuzi, awakana nanti akwivwa amasambililo yano Imfumu e Leza wamaka yonsi watumanga numuzimu wakwe avwanjila mumilomo yawatumwa wane walinjipo kali. Achaleka Imfumu e Leza wavisilwe nkaninye. 13Ati muno wativwile pa no wavwanzile, nawe atanga awatolelele pano wapepanga. 14Ati, Nawapyezile ngati achipunga ndeka awaya awakwikala munsi zyamakandi. Imyikonye yoyo yalesile insi yoo inzima iwa amapopa, isowa nuwakwikala mwenemo.
Selectat acum:
Zakariya 7: WWN82
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Chinamwanga Bible © United Bible Societies, 1981.