Zakariya 2
2
Ichilota chalukusa Iwakupimila
1Muchilota chinji naweni umuntu alemile ulukusa Iwakupimila mwikasa lyakwe, 2Imuwuzichisya inti, Nga ukuyakwi?
Antolelela ati, Nkuya mukupima Yerusalemu, imanye uwutali nukupapatala kwa kaya vino kali.
3Ngapano ndola umungeli waya pankolelo, numungeli winji ayiza mukumusunkania. 4Umungeli wakutaika anena umuwuye ati, Samala yanga kanene umulumendo weyo wino ali nulukusa Iwakupimila kuno mwe Yerusalemu mwandi mukawe awantu wavulenye nivikwato vivule nilinga litandi likwile kukuvula kwamwatanye woo. 5Imfumu e Leza umwenechonye nalwakwe walayilizya ukuti aliwa alilinga lyamulilo ali no liliwilizye akaya wukachinjilile, nukuti alilanga ali momonye muwukankala wakwe wonsi.
Wano wachinsizwe kuchinyonga witwa ukuti waye kumwawo
6-7Imfumu e Leza anena awantu wakwe ati, Nawasasizizye muvikonchi vyansi monsi. Ukuwa kanonzi, mwe wantu mwachinsizwe kuchinyonga, samalani mufume mu Babeloni munyoke kwe Yerusalemu.
8Nalanga pano nalota wonye-woo Imfumu e Leza wamaka yonsi antuma namazwinye yaa kumyiko yino yaposile awantu wakwe ukuti, Wensi wino wiza wuma awantu wa Mfumu e Leza alitela wuma wano awantu wawuzi wukulu kweweliwe. 9Imfumu e Leza-nye nalwakwe aliwalwisya, mulipotwa nawantu wane walinji awazya winu. Ndi choo chiza chachitwa, wonsinye walimanya kuno a Mfumu e Leza awino wantuma.
10Imfumu e Leza ati, Yimbilanji nichimwemwe, mwewantu wamwe Yerusalemu. Nandi njize tuwakwikala swensi!
11Pampindinye yoyo imyiko mivule iliwaya ku Mfumu e Leza wawe awantu wakwe. Ayize awakwikala namwe, apano mulimanya kuno wantuma kwemwemwe. 12Swinyanye insi yakwe Yuda iliwa ansi yamuzilo ya Mfumu e Leza, nu Yerusalemu ayize awe akaya kano wakundisya ukulusye utwaya tonsi.
13Mwensinyepyu myalalani, pa Mfumu e Leza. Wandi ayize kwemwewe afume mumasyo matele.
Selectat acum:
Zakariya 2: WWN82
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Chinamwanga Bible © United Bible Societies, 1981.