Marko 11
11
Ukulafya pano Yesu akwinjila mwe Yerusalemu
(Mateyu 21:1-11; Luka 19:28-40; Yohani 12:12-19)
1Awala wapalamila ukufika mwe Yerusalemu, mutwaya twakwe Betifage nu Betane awakwela umwamba wamingungu. Yesu atuma awasambilizi wakwe wawili ukuti wakolele 2awakomelezya ati, Yanji mukaya kano kali wulunga namwe. Mwala vino mwaya mwenemo mwandi mukazane umwana wandokwe, wino wumwi asitela akwelele, anyefilwe. Mumusapule mumulete koo. 3Ndi wumwi wawawuzya wati, Ngachino mukuchita wowo achani? mumunene muti, Wetatakulu akumulonda wandi akamunyosye nanti kuzimba.
4Awapita awaya awazana umwana wandokwe mumusolo, anyefilwe kwipampa lyang'anda. Awala wati wamusapula, 5wamwi wano wimilile paponye awawuzya awati, Ngamukuchita chani, pano mukusapula umwana wandokwe?
6Awawatolelela ndimuno Yesu wawanenezile, apano awantunye wawo awawazumilizya awapita. 7Awatwala umwanandokwe kwe Yesu, awanza nimyinjilo yawo peweliwe, Yesu akwelela. 8Awavule awanza imyinjilo yawo munzila, wanji awapambula insamba awanza munzila. 9Wano wakolezile nawano wasyalichile awatalika nukupunda wakuti, Umuchindikwa we Leza! Ndi e Leza apepe wino akwizila mwizina lya Mfumu-nye e Leza! 10E Leza apepa uwufumu wuno wukwiza uwakwe tata e Davidi! Umuchindikwa awe we Leza!
11Yesu aya mwe Yerusalemu, ayinjila mung'anda yakwe Leza, atalangania alola ivintu vyonsi. Ukuwa muno kwatezile kwila, afuma aya ku Betane nawasambilizi ikumi nawawili.
Yesu atipa umukunyu
(Mateyu 21:18-19)
12Uwacha, pano wafumanga ku Betane, inzala iluma Yesu. 13Aloia umukunyu wamafwa lwapatali, achaleka aya kweneko ukuti akalole ndi kuli amaku. ukuwa ala wapalamila azana wuli namafwa matupu, amuno italinji ampindi yamakunyu. 14Yesu avwanga kumukunyu ati, Umuntu wumwi atize ayize alye amaku yako swinya!
Nawasambilizi wakwe awivwa.
Yesu ayinjila mung'anda yakwe Leza
(Mateyu 21:12-17; Luka 19:45-48; Yohani 2:13-22)
15Awala wafika mwe Yerusalemu, Yesu aya kung'anda yakwe Leza atalika ukuwinga wonsi wano wakalanga nukukazya mung'anda yakwe Leza. Apenulania amatebulo yakwe wano wakawunkanianga indalama apenulania nivilimba vyakwe wano wakazyanga inkunda, 16alesya wonsi ukusenda chimwi ukupita nacho mumisolo yang'anda yakwe Leza. 17Ngapano asambilizya awantu ati, Yawalikwa mumawaliko matele ukuti Leza wavwanga wati, Ing'anda yane iliwakwitwa ang'anda yino imyiko yonsi ingapepa mwenemo. Ukuwa mwenji mwayichita ngati amwakuvwama awang'o!
18Wasimapepo wakulu nawasambilizya wamasundo awivwa wowonye, awatalika ukuvwamba inzila yakukomela Yesu. Wamutinanga, amuno iwumba lyonsi lyazungukanga nimisambilizizye yakwe.
19Akula kwila, e Yesu nawasambilizi wakwe awafuma mukaya.
Isambilizyo lino lyafuma kumukunyu
(Mateyu 21:20-22)
20Akula kwacha mwepwi, pano wakupita munzila, awalola umukunyu. Wakazile-pyu nimisisinye. 21Peter ayizuka chino chachisilwe anena Yesu ati, Silola, Musambilizya, umukunyu wuno watifile wufwile!
22Yesu awatolelela ati, Yizukanji choo! Ndachino muli nisuwilo mwakwe Leza, 23munganena umwambanye woo muti, Simpuka ukayisumbile mwesumbi. Ndachino mumwezo wako musi ukuvwilika, ukuwa uli nisuwilo lyakuti chino wataka chandi chichitwe, ungachitilwa wowonye. 24Muno achonyechoo nkuwanena nkuti, Pano mukupepa swinya mukulenga chimwi, suwilanji kuno mwapochelela, swinya mulipwa vino mukulenga. 25Naponsi pano mwimilile mukupepa, tetelanji vyonsi vino muli numulandu nawumwi, alyakuti u Monsi winu wino ali mwiyulu awatetele mwemwe kuluwembu lwinu. [ 26Ndimusinakutetela wanji, namwenye Umonsi winu wino ali mwiyulu ataliwatetela mwemwe ukuwifya kwinu.]
Iwuzyo ku vya maka yakwe Yesu
(Mateyu 21:23-27; Luka 20:1-8)
27Awanyochela kwe Yerusalemu. Ala vino Yesu akupitapita mung'anda yakwe Leza, wasimapepo wakulu, nawasambilizya wamasundo, nawasongo awaya kweweliwe 28awamuwuzya awati, Nga amakachi yano ukachitila ivintunye vyoo? Ngawino wakupa amaka yakuvichita weweni?
29Yesu awatolelela ati, Nandi mbawuzye iwuzyo lyonga, ndachino mwantolelela nandi mbanene amaka yano nkachitila ivintunye vyoo. 30Nenani, nga Yohani wafumizye amaka yakubatizizya-kwi? Wuzye wafumizye kwe Leza pamwi kuwantu?
31Awatalika ukupanzyania wakuti, Nga twandi tuchite wuli? Nditwatolelela twati, wafumizye amaka kwe Leza, wandi atunene ati, Ngafwandi amuno achani chino mutasuwizile Yohani? 32Napo nditwati, amaka yafumile kuwantu. .. awe. (Wasayanga awantu, amuno wonsi wapanichisizye kuno Yohani walinji amutumwa.) 33Achaleka watolelezile Yesu awati, Tutamanyile.
Nawe Yesu ati, Nanti anenenye ntandi mbanene, amaka yano nkuchitila ivintunye vyoo.
Selectat acum:
Marko 11: WWN82
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Chinamwanga Bible © United Bible Societies, 1981.
