१ कोरिन्थी 2
2
1भैयौ, मै टुन्हकठे आक परमेश्वरक प्रकट करल रहस्यक सन्देश कहबेर मै विद्वानअसक नैबोल्नु ओ बुद्धिक धाक फे नैलगैनु। 2वास्तवम मै टुन्हकठे रहलम क्रूसम मुवापैलक येशू ख्रीष्टक बारेम बाहेक और कुछु नैबोल्ना निश्चय कैरख्नहुँ। 3सुरुम त झन् मै जाटिक कमजोर रनहुँ ओ डरले लग्लगाइटनहुँ।#प्रे १८:९ 4म्वार सन्देश ओ प्रचार एकदम साधारण रह। मै विद्वानअस बराबरा बुद्धिक बात नैबोल्नु, तर पवित्र आत्मक शक्तिम केल भर पर्नु। 5काजे मै ओसिक कर्नु कलसे, टुन्हक विश्वास मनैन्हक बुद्धिम नाहीँ तर परमेश्वरक शक्तिम आधारित ह्वाए।
परमेश्वरक बुद्धि
6तर फे परिपक्व विश्वासीन्हक बीचम त हम्र बुद्धिक बात बट्वैठी। उ बुद्धि यी संसारक बुद्धि नैहो, ओ यी संसारक शासकन्हक बुद्धि फे नैहो, यी सब बिलिन होजउइया बा। 7हमार बट्वाइल बुद्धि त परमेश्वरक रहस्यक बात हो। यी मनैन थाहाँ नैदेगैल् उहाँक योजना हो, जौन योजना उहाँ हमार महिमक लाग सृष्टिसे आघहेँ बनैलह। 8यी संसारम शासन करुइयन कुई फे यी बात नैबुझ्ल। यदि बुझ्ट कलसे, हुँक्र महिमित प्रभुह क्रूसम टङ्गैने नैरलह। 9यिह बात त धर्मशास्त्रम लिखल बा,
“मनै कबु नैद्याखल, नैसुनल,
मनले नैचिताइल बात
परमेश्वर उहाँह प्रेम करुइयन्हक लाग
तयार पारदेरख्ल।”#यशै ६४:४
10तर परमेश्वर आपन आत्माद्वारा हमार लाग यी बात प्रकट कैदेरख्ल।
पवित्र आत्मा सक्कु चिज खोज्ठ, परमेश्वरक गहिँर-गहिँर बात फे खोजी कर्ठ। 11मनैयकम रहल आपनऽ आत्माबाहेक मनैयक विचारह और कुई फे बुझ नैसेक्ट, ओ पवित्र आत्माबाहेक परमेश्वरक विचारह और कुई फे बुझ नैसेक्ट। 12हम्र संसारक आत्मा नाहीँ, तर पवित्र आत्मा पारख्ली। उहओर्से हमन परमेश्वरक देहल वरदान बुझसेक्ठी। 13हम्र ब्वालबेर मनैन्हक बुद्धिले सिखाइल बात नैबट्वैटी, तर पवित्र आत्मक सिखाइल बात बट्वैठी। आत्मिक मनैन आत्मिक बात सिखाइक लाग उह आत्मा हमन सहायता देठ। 14पवित्र आत्मा नैरहल मनैया परमेश्वरक आत्मसे आइल बात ग्रहण कर नैस्याकट्। ओसिन बात ओहीह मूर्ख बातअस लग्ठस ओ ऊ बुझ नैस्याकट्, काकरकि आत्मिक बात त आत्मिक मनै केल बुझ्ठ। 15आत्मिक मनैया सब चिजिक जाँचबुझ करसेक्ठा, तर ओहीहभर कुई फे जाँच नैसेक्ट। 16धर्मशास्त्रम लिखल बा,
“प्रभुक मनह के जानराखल जे?
उहाँह के सिखाइसेक्ठा जे?”
तर हम्र यी बात बुझ्ठी, काकरकि हमारठे ख्रीष्टक मन बा।#यशै ४०:१३
Selectat acum:
१ कोरिन्थी 2: thl
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
© 2020, Wycliffe Bible Translators, Inc. All rights reserved.