Loma 5
5
1Lino ve tupugulye ulufuvo vuli, tutenga-manilage kwa Nguluvi vugendela pamutwa visu Jesu Kilisiti, 3, 24. 28; 4, 24.
2mwa je tusavye nuvwingililo kulusungu lulo, lwe twimye, neke twi-ginikage unefwe, je twi-huvila ukwidikwa kwa Nguluvi. Ef. 3, 12.
3Neke si lulo lwene, hâ nda, twiginikage na pe twipumuka, pakuva imumuko dzihula ulwigugumidzo, Jak. 1, 2. 3.
4neke ulwene ulwigugumidzo lwihula uvukalagafu, uvukalagafu kangi vwihula uluhuvilo,
5neke uluhuvilo lusijējesa munu, pakuva ulwendo lwa Nguluvi atusukulye munumbula dzesu u-Mubepo umwîmike, je tupēlilwe. Heb. 6, 18. 19.
6Ndivwene unefwe, pe sali tuli vatenda, pe pene pe atufwilye u-Kilisiti twe vahosi pamwâka, gwe ateganidze.
7Ndivwene umugolofu ujo vasikumufwila vona, j’asi mutagwa ujo vona mańi ene vuli akwisindika jumwi pakumufwila.
8Neke lino Nguluvi ulwendo lwakwe jumwene, lwe atwendile unefwe, akuluvonehedza pakutigila: Kilisiti ngana atufwilaga sali twave tuli vânangifu, Joh. 3, 16; 1. Joh. 4, 10.
9apo lino tulalutila mbando ukupokelwa umwakwe kuṅaladzi, pe tupugulye lino idanda jakwe vuli. 1, 18; 2, 5. 8.
10Ndivwene ngana kututepwidze nu-Nguluvi ukufwa kwa muswamuve, pe twali vukava tândi unefwe, apo lino vulalutila uvûmi vwakwe pakutupo-ka, ve tuli vatepudze lino. 8, 7.
11Neke si lulo lwene hamu, nukwiginika tukwi-ginikila ju Nguluvi vugenda mwa Jesu Kilisiti, mwe twikwanukila uvutepudze.
12Kye ndesile nigilage: mu-ńi muno indzanangifu adzihulile jumwinga neke lino baho indzanangifu neke dzikukongodzage ukufwa, neke lino baho uvufwe vutagalilage monda muvanu neke navanu vonda vahŏkage. 6, 23.
13Ndivwene pe sali gyave imilagililwe, idzene indzanangifu ve modzili mu-ńi muno; neke indzanangifu dzisihigwa, ngana pehela imilagililwe. 4, 15.
14Ukwene ukufwa kwatemile ukuhuma pa-Adama ukufika pa-Mose na muvonda, avasahŏkile inôngwa, ijihwanine nulu-dzumbo lwa Adama, je ali kimańagidzo kya mu-ńa-kwadza. 1. Kol. 15, 21. 22. 45. 55.
15Neke lino uvuhene vusitegine nilipwela lya lusungu, pakuva ngana vafwilye uvuhene vwa jumwinga avolofu, apo ulusungu lwa Nguluvi ni-lipwela, iligenda mulusungu lwa munu jumwinga jujo ju Jesu Kilisiti, filutye mbando ukufŭlŭkila kuvonda.
16Kangi ilipwela lisimile, ndeve lwimile ulwa muhosi jumwinga jula, pakuva ukukĕlwa, ukuhu-mile pajumwinga, kuva-hulye ukukĕlelwa ukufwa, neke ilipwela lya lusungu, ilihumile pavuhosi vwa volofu, lye livahulye uvupugule.
17Pakuva ukufwa ngana kwatemelaga uvuhosi vwa jumwinga neke kugagavalilage pajum winga, apo valalutila mbando pakutema muvûmi vugendela mwa jumwinga ju Jesu Kilisiti jujo, avanwike umuseleleko gwa lusungu nilipwela lya vugolofu.
18E lino humbi ndeve luhumile kuvuhosi vwa jumwinga uludadidzo neke ludandālukilage kuvanu vonda, na vu vupugu-dze vwa vûmi vuhumile pavupugule vwa jumwinga ndesi neke vudandā-lukilage kuvanu vonda; 1. Kol. 16, 22.
19pakuva ndeve lwimidze avahosi avolofu ulu-bedo lwa jumwinga, apo nukukunda kwa munu jumwinga kwimidze avagolofu avolofu ndesi.
20Igyene imilagililwe gyongelidzwe pakutigila uvuhosi vutanage, neke pe dzitanile indzanangifu, pe pene pe lulemwike ulusungu, 4, 15; 7, 8; Gal. 3, 19.
21ukuta, ndeve dzate-mile indzanangifu vwimila muvufwe, nulusungu nalo lutemage ndesi vwimila muvugolofu, uvulungamye kuvûmi vwa mbêpali mu mwa Jesu Kilisiti, umutwa visu. 6, 23.
Selectat acum:
Loma 5: II
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
