ЭхкъечӀун 32
32
Къизилдин дана
(Киххьей къанун 9:6-29)
1Инсанриз Муса геждалди дагъдай техкъвезвайди акунвай. ИкӀ хьайила абуру Гьарунал алтӀушна адаз лагьана: «Чаз чун вичин гуьгъуьна аваз вилик тухудай аллагь туькӀуьра. Чун Мисридай акъудай кас Муса лагьайтӀа, чаз адахъ вуч хьанватӀа чидач!» 2Гьаруна абуруз жаваб гана: «Куь папарин, рухвайрин ва рушарин япарихъ галай япагьанар галудна зи патав гъваш».
3Инсанри чпин къизилдин япагьанар япарай акъудна Гьарунав вугана. 4Гьаруна абур цӀурурна ва кӀарас-данадин беден кӀевна. Инсанрини лагьана: «Им ви аллагь я, Исраил! Ингье гьада вун Мисридай акъудна!» 5И кар акур Гьаруна данадин бедендин вилик къурбанган расна ва малумарна: «Пака Реббидин сувар я!»
6Пакадин юкъуз, экуьнахъ, абуру кунугар ва суварин къурбандар авуна. Ахпа абур нез-хъваз ацукьна, гуьгъуьнлайни къугъунариз къарагъна. 7«Дагъдай эвичӀ, – лагьана Реббиди Мусадиз. – Ява хьанва ви халкь – вуна Мисридай акъудай инсанар! 8Гьикьван фад абур вуна къалурай рекьелай элячӀна! Абуру чпиз данадин беден туькӀуьрнава, адаз икрам ийизва ва къурбандар гузва. Абуру лугьузва: „Им ви аллагь я, Исраил! Ингье гьада вун Мисридай акъудна!“»
9Реббиди лагьана: «Заз аквазвайвал, им кьилиз ялдай халкь я! 10Зун туна ахлад: За абур, зи хъилен селдик кутуна, вири терг ийида – амма валай чӀехи халкь арадал гъида!»
11Амма Мусади Реббидиз, вичин Аллагьдиз, минет ийиз хьана. «Ребби!» – лагьана ада. – «Ваз Жуван чӀехи, кьадар авачир къудратдалди Мисридай акъудай Ви халкьдикай хъел атун квез герек я? 12Мисривийри Вуна и халкь ажалдин рекьиз акъудна – ам дагълара тергна, чилелай тар-мар авуна лугьудайвал авун квез герек я? Хъел къвемир, регьим ая, Жуван халкь телеф ийимир! 13Вуна ви лукӀар тир Ибрагьимаз, Исакьаз ва Исраилаз куьн патахъай кьин кьунайтӀа рикӀел хкваш, Вуна абурун эвледар цава авай гъетер кьван кьадардиз гзаф ийида, Вуна абуруз хиве кьур чилни, абурун несилриз эбеди яз вахкуда лагьана Жува Жувалди кьин кьунай!» 14Реббидини регьим авуна. Ада, сифтедай кьетӀ авур жуьре, вичин халкь терг авунач.
15Муса элкъвена дагъдай эхвичӀна. Адан гъиле, Икьрар кхьенвай, кьве патахъайни кхьинар алай, къванцин кьелечӀ кьве къаяб авай. 16Кхьинар алай кӀусар Аллагьди авунвайбур тир, ва абурал алай кхьинарни Аллагьди атӀанвайбур тир.
17Амма ингье Шуаяз халкьди агъада къарагъарнавай тарап-турупдин ван хьана. «Кундалай женгинин ванер къвезва!» – лагьана ада Мусадиз.
18Мусади жаваб гана:
«Им гъалибвилин къалин ван туш,
им кӀаник акатунин къалин ван туш!
Заз кефиятдин манийрин ван къвезва!»
19Халкь алай чкадин мукьув атайла, Мусадиз данадин беден ва кьуьлер акуна. Муса хъиле кана, къванцин кьелечӀ къаябар дагъдин кӀане чилел гьалчна, ва абур хана. 20Абуру туькӀуьрай данадин бедендиз ада цӀай яна ва гъуьр хьиз куьлуь авуна. Куьлуь авунвай затӀ циз вегьена ва Исраилдин рухваяр ам хъуниз мажбурна.
21«И халкь ви вилик квелди батӀул хьана, вуна ам ихьтин залан гунагьдиз чӀугвадайвал?» – хабар кьуна Мусади Гьарунавай. 22Гьаруна жаваб гана: «Хъел къвемир, зи агъа! Ваз жувазни чида хьи, и инсанар писвилихъ гьикьван ялзавайбур ятӀа. 23Абуру заз лугьузвай: „Чаз вичин гуьгъуьна аваз чун вилик тухудай аллагь туькӀуьра. Чун Мисридай акъудай кас – Муса – лагьайтӀа, чаз адахъ вуч хьанватӀа чидач!“ 24За абуруз зав къизилдин затӀар гице лагьана, къизил цӀуз гадарна – ингье гьа икӀ и дана арадал атана!»
25Мусадиз инсанар муьтӀуьгъ тахьунин рекьел элячӀнавайди акуна (им Гьаруна душманриз хвеши жедайвал, ихьтин гьалдал гъунин нетижа тир). 26Кундин варарал акъвазна, Мусади инсанрихъ элкъвена эверна: «Реббидин патал алайбур вужар ятӀа, зи кьилив!»
Адан патав вири левияр кӀватӀ хьана, 27ва Мусади абуруз лагьана: «Реббиди, Исраилдин Аллагьди, икӀ лугьузва: Турар къачуна чун алай чкадин и варарилай а вараралди фена хъша! Гьар сада стха яна кьирай, дуст яна кьирай, къунши яна кьирай!»
28Левидин рухвайри Мусадин эмир кьилиз акъудна: а юкъуз пуд агъзурдав агакьна инсанар яна кьенай.
29«Къе, – лагьана Мусади, – и кар патал жуван рухвайрин ва стхайрин чанаралди къимет гуналди, куьне куьн Реббидин хахамвилиз акъудна. Гьавиляй квев хийир-дуьа агакьда!»
30Пакадин юкъуз Мусади халкьдиз лагьана: «Куь гунагь заланди я! Амма зун исятда Реббидин патав хкаж жеда, ва белки залай куь тахсир алудиз алакьда».
31Элкъвена Реббидин кьилив хтана, Мусади лагьана: «И халкьдин гунагь заланди я: абуру чпиз къизилдикай аллагь авуна! 32Амма гила минет я Ваз, абурулай гъил къахчу. КъахчудачтӀа – зи тӀварни Ви ктабдай акъуд!» 33Реббиди жаваб гана: «За Зи ктабдай Заз акси яз гунагь авурбурун тӀвар акъудда. 34Гила алад ва халкь За ваз лагьай чкадиз гъваш. Ингье, Зи малаик ви вилик кваз фида. Жазаяр агакьардай югъ атайла, За абуруз чпин гунагьдай жаза гуда».
35Абуру данадин беден расунай – а Гьаруна туькӀуьрай дана – Реббиди Исраилдин халкьдиз жаза гана.
Selectat acum:
ЭхкъечӀун 32: ЛезПК
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 2010-2024
ЭхкъечӀун 32
32
Къизилдин дана
(Киххьей къанун 9:6-29)
1Инсанриз Муса геждалди дагъдай техкъвезвайди акунвай. ИкӀ хьайила абуру Гьарунал алтӀушна адаз лагьана: «Чаз чун вичин гуьгъуьна аваз вилик тухудай аллагь туькӀуьра. Чун Мисридай акъудай кас Муса лагьайтӀа, чаз адахъ вуч хьанватӀа чидач!» 2Гьаруна абуруз жаваб гана: «Куь папарин, рухвайрин ва рушарин япарихъ галай япагьанар галудна зи патав гъваш».
3Инсанри чпин къизилдин япагьанар япарай акъудна Гьарунав вугана. 4Гьаруна абур цӀурурна ва кӀарас-данадин беден кӀевна. Инсанрини лагьана: «Им ви аллагь я, Исраил! Ингье гьада вун Мисридай акъудна!» 5И кар акур Гьаруна данадин бедендин вилик къурбанган расна ва малумарна: «Пака Реббидин сувар я!»
6Пакадин юкъуз, экуьнахъ, абуру кунугар ва суварин къурбандар авуна. Ахпа абур нез-хъваз ацукьна, гуьгъуьнлайни къугъунариз къарагъна. 7«Дагъдай эвичӀ, – лагьана Реббиди Мусадиз. – Ява хьанва ви халкь – вуна Мисридай акъудай инсанар! 8Гьикьван фад абур вуна къалурай рекьелай элячӀна! Абуру чпиз данадин беден туькӀуьрнава, адаз икрам ийизва ва къурбандар гузва. Абуру лугьузва: „Им ви аллагь я, Исраил! Ингье гьада вун Мисридай акъудна!“»
9Реббиди лагьана: «Заз аквазвайвал, им кьилиз ялдай халкь я! 10Зун туна ахлад: За абур, зи хъилен селдик кутуна, вири терг ийида – амма валай чӀехи халкь арадал гъида!»
11Амма Мусади Реббидиз, вичин Аллагьдиз, минет ийиз хьана. «Ребби!» – лагьана ада. – «Ваз Жуван чӀехи, кьадар авачир къудратдалди Мисридай акъудай Ви халкьдикай хъел атун квез герек я? 12Мисривийри Вуна и халкь ажалдин рекьиз акъудна – ам дагълара тергна, чилелай тар-мар авуна лугьудайвал авун квез герек я? Хъел къвемир, регьим ая, Жуван халкь телеф ийимир! 13Вуна ви лукӀар тир Ибрагьимаз, Исакьаз ва Исраилаз куьн патахъай кьин кьунайтӀа рикӀел хкваш, Вуна абурун эвледар цава авай гъетер кьван кьадардиз гзаф ийида, Вуна абуруз хиве кьур чилни, абурун несилриз эбеди яз вахкуда лагьана Жува Жувалди кьин кьунай!» 14Реббидини регьим авуна. Ада, сифтедай кьетӀ авур жуьре, вичин халкь терг авунач.
15Муса элкъвена дагъдай эхвичӀна. Адан гъиле, Икьрар кхьенвай, кьве патахъайни кхьинар алай, къванцин кьелечӀ кьве къаяб авай. 16Кхьинар алай кӀусар Аллагьди авунвайбур тир, ва абурал алай кхьинарни Аллагьди атӀанвайбур тир.
17Амма ингье Шуаяз халкьди агъада къарагъарнавай тарап-турупдин ван хьана. «Кундалай женгинин ванер къвезва!» – лагьана ада Мусадиз.
18Мусади жаваб гана:
«Им гъалибвилин къалин ван туш,
им кӀаник акатунин къалин ван туш!
Заз кефиятдин манийрин ван къвезва!»
19Халкь алай чкадин мукьув атайла, Мусадиз данадин беден ва кьуьлер акуна. Муса хъиле кана, къванцин кьелечӀ къаябар дагъдин кӀане чилел гьалчна, ва абур хана. 20Абуру туькӀуьрай данадин бедендиз ада цӀай яна ва гъуьр хьиз куьлуь авуна. Куьлуь авунвай затӀ циз вегьена ва Исраилдин рухваяр ам хъуниз мажбурна.
21«И халкь ви вилик квелди батӀул хьана, вуна ам ихьтин залан гунагьдиз чӀугвадайвал?» – хабар кьуна Мусади Гьарунавай. 22Гьаруна жаваб гана: «Хъел къвемир, зи агъа! Ваз жувазни чида хьи, и инсанар писвилихъ гьикьван ялзавайбур ятӀа. 23Абуру заз лугьузвай: „Чаз вичин гуьгъуьна аваз чун вилик тухудай аллагь туькӀуьра. Чун Мисридай акъудай кас – Муса – лагьайтӀа, чаз адахъ вуч хьанватӀа чидач!“ 24За абуруз зав къизилдин затӀар гице лагьана, къизил цӀуз гадарна – ингье гьа икӀ и дана арадал атана!»
25Мусадиз инсанар муьтӀуьгъ тахьунин рекьел элячӀнавайди акуна (им Гьаруна душманриз хвеши жедайвал, ихьтин гьалдал гъунин нетижа тир). 26Кундин варарал акъвазна, Мусади инсанрихъ элкъвена эверна: «Реббидин патал алайбур вужар ятӀа, зи кьилив!»
Адан патав вири левияр кӀватӀ хьана, 27ва Мусади абуруз лагьана: «Реббиди, Исраилдин Аллагьди, икӀ лугьузва: Турар къачуна чун алай чкадин и варарилай а вараралди фена хъша! Гьар сада стха яна кьирай, дуст яна кьирай, къунши яна кьирай!»
28Левидин рухвайри Мусадин эмир кьилиз акъудна: а юкъуз пуд агъзурдав агакьна инсанар яна кьенай.
29«Къе, – лагьана Мусади, – и кар патал жуван рухвайрин ва стхайрин чанаралди къимет гуналди, куьне куьн Реббидин хахамвилиз акъудна. Гьавиляй квев хийир-дуьа агакьда!»
30Пакадин юкъуз Мусади халкьдиз лагьана: «Куь гунагь заланди я! Амма зун исятда Реббидин патав хкаж жеда, ва белки залай куь тахсир алудиз алакьда».
31Элкъвена Реббидин кьилив хтана, Мусади лагьана: «И халкьдин гунагь заланди я: абуру чпиз къизилдикай аллагь авуна! 32Амма гила минет я Ваз, абурулай гъил къахчу. КъахчудачтӀа – зи тӀварни Ви ктабдай акъуд!» 33Реббиди жаваб гана: «За Зи ктабдай Заз акси яз гунагь авурбурун тӀвар акъудда. 34Гила алад ва халкь За ваз лагьай чкадиз гъваш. Ингье, Зи малаик ви вилик кваз фида. Жазаяр агакьардай югъ атайла, За абуруз чпин гунагьдай жаза гуда».
35Абуру данадин беден расунай – а Гьаруна туькӀуьрай дана – Реббиди Исраилдин халкьдиз жаза гана.
Selectat acum:
:
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 2010-2024