ЭхкъечӀун 31
31
Гьалтунин Алачух патал устӀарриз эвер гун
(ЭхкъечӀун 35:30-35)
1Реббиди Мусадиз лагьана: 2«Чир хьухь: За Ягьудан тайифадай тир Гьуран хтул, Уридин хва Бецалел хкяна, 3ва адак Аллагьдин Руьгь кутуна – адаз гьар са карда алакьунар ва фагьум, чирвилер ва устадвал гана, 4гьаниз килигна адахъ къизилдихъ, гимишдихъ, буьруьнждихъ галаз кӀвалахдай алакьунар ава, 5къерехра тун патал къванер атӀуз ва гьакӀни кӀарасдал нехишар атӀуз чида – гьар са рекьяй устад я. 6Гьа икӀ, За адаз куьмекдар яз Данан тайифадай тир Ахисамахан хва Агьалиаб тайинарна, ва вири устӀарриз чирвилер гана, абуру За ваз ая лагьана эмир ганвай вири кӀвалахар кьилиз акъудун патал: 7Гьалтунин Алачух, Икьрардин сандух, „Гунагьар алудзавай чка“ лугьудай сандухдин къапсах ва Алачух патал герек вири шейэр, 8экӀягъан ва адан къаб-къажах, михьи къизилдин чирагъган ва адахъ галай вири затӀар, хуш ни акъудун патал къурбанган, 9кунугрин къурбанган ва ам патал вири затӀар, лат ва адан кӀаник кутадай затӀ, 10къуллугъ ийидайла алукӀдай парталар – хахам Гьарунан пак тир парталар ва къуллугъдайла адан рухвайри алукӀдай парталар, 11ва гьакӀни пелевай гуьцӀдай чӀем ва ибадатханада кун патал хуш ни галай затӀар.
Абуру вири За ваз эмир авур тегьерда авурай».
Икьрар чӀурун ва цӀийи хъувун
(31:12–34:35)
Эхиримжи шартӀар ва икьрар кхьенвай къванер вахкун
12Реббиди Мусадиз эмир гана: 13«Исраилдин рухвайриз абуру Зи Киш югъ къейд авун патахъай лагь. Киш – им Зини куь арада тайинаравай лишан я, несилдилай несилдалди, – куьне Зун, Ребби, куь паквилин чешме жедайди рикӀе хуьн патал. 14Киш югъ къейд ая: ам куь пак тир югъ я. Ни Кишдин югъ чиркин авуртӀа, гьам яна рекьида, Кишдин юкъуз кӀвалахзавай гьар са кас вичин халкьдин жергейрикай хкудна гадарда. 15Ругуд юкъуз кӀвалахрай, амма ирид лагьай югъ – Киш, Реббидин ял ядай пак югъ я. Кишдин юкъуз кӀвалахзавай гьар вуж хьайитӀани яна кьиникь лазим я. 16Исраилдин рухвайри Кишдин югъ несилдилай несилдалди къейд авурай – им эбеди икьрар я. 17Зини Исраилдин рухвайрин арада даим яз тайинарнавай лишан гьа им я. Вучиз лагьайтӀа ругуд йикъан вахтунда Реббиди цавни чил туькӀуьрна, ирид лагьай юкъуз ял акъадарна».
18Ана, Синайдал, Мусадихъ галаз рахунар куьтягьайдалай кьулухъ, Реббиди адав Икьрардин кхьинар алай къванцин кьелечӀ кьве къаяб вугана – Аллагьдин тупӀаралди кхьинар авунвай.
Selectat acum:
ЭхкъечӀун 31: ЛезПК
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 2010-2024
ЭхкъечӀун 31
31
Гьалтунин Алачух патал устӀарриз эвер гун
(ЭхкъечӀун 35:30-35)
1Реббиди Мусадиз лагьана: 2«Чир хьухь: За Ягьудан тайифадай тир Гьуран хтул, Уридин хва Бецалел хкяна, 3ва адак Аллагьдин Руьгь кутуна – адаз гьар са карда алакьунар ва фагьум, чирвилер ва устадвал гана, 4гьаниз килигна адахъ къизилдихъ, гимишдихъ, буьруьнждихъ галаз кӀвалахдай алакьунар ава, 5къерехра тун патал къванер атӀуз ва гьакӀни кӀарасдал нехишар атӀуз чида – гьар са рекьяй устад я. 6Гьа икӀ, За адаз куьмекдар яз Данан тайифадай тир Ахисамахан хва Агьалиаб тайинарна, ва вири устӀарриз чирвилер гана, абуру За ваз ая лагьана эмир ганвай вири кӀвалахар кьилиз акъудун патал: 7Гьалтунин Алачух, Икьрардин сандух, „Гунагьар алудзавай чка“ лугьудай сандухдин къапсах ва Алачух патал герек вири шейэр, 8экӀягъан ва адан къаб-къажах, михьи къизилдин чирагъган ва адахъ галай вири затӀар, хуш ни акъудун патал къурбанган, 9кунугрин къурбанган ва ам патал вири затӀар, лат ва адан кӀаник кутадай затӀ, 10къуллугъ ийидайла алукӀдай парталар – хахам Гьарунан пак тир парталар ва къуллугъдайла адан рухвайри алукӀдай парталар, 11ва гьакӀни пелевай гуьцӀдай чӀем ва ибадатханада кун патал хуш ни галай затӀар.
Абуру вири За ваз эмир авур тегьерда авурай».
Икьрар чӀурун ва цӀийи хъувун
(31:12–34:35)
Эхиримжи шартӀар ва икьрар кхьенвай къванер вахкун
12Реббиди Мусадиз эмир гана: 13«Исраилдин рухвайриз абуру Зи Киш югъ къейд авун патахъай лагь. Киш – им Зини куь арада тайинаравай лишан я, несилдилай несилдалди, – куьне Зун, Ребби, куь паквилин чешме жедайди рикӀе хуьн патал. 14Киш югъ къейд ая: ам куь пак тир югъ я. Ни Кишдин югъ чиркин авуртӀа, гьам яна рекьида, Кишдин юкъуз кӀвалахзавай гьар са кас вичин халкьдин жергейрикай хкудна гадарда. 15Ругуд юкъуз кӀвалахрай, амма ирид лагьай югъ – Киш, Реббидин ял ядай пак югъ я. Кишдин юкъуз кӀвалахзавай гьар вуж хьайитӀани яна кьиникь лазим я. 16Исраилдин рухвайри Кишдин югъ несилдилай несилдалди къейд авурай – им эбеди икьрар я. 17Зини Исраилдин рухвайрин арада даим яз тайинарнавай лишан гьа им я. Вучиз лагьайтӀа ругуд йикъан вахтунда Реббиди цавни чил туькӀуьрна, ирид лагьай юкъуз ял акъадарна».
18Ана, Синайдал, Мусадихъ галаз рахунар куьтягьайдалай кьулухъ, Реббиди адав Икьрардин кхьинар алай къванцин кьелечӀ кьве къаяб вугана – Аллагьдин тупӀаралди кхьинар авунвай.
Selectat acum:
:
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© Институт перевода Библии, 2010-2024