Mga Salmo 15
15
Ang Sugo sa Dios#ANG ULOHAN SA HEBREO: Salmo ni David.
1O Ginoo, kinsa may makapuyo sa imong Templo?
Kinsay makapuyo sa Sion,
ang balaan mong bungtod?
2Siya nga nagtuman sa imong kabubut-on
ug nagbuhat sa matarong ug nagsulti sa matuod;
3siya nga dili modaot sa uban
ug dili magpasipala sa iyang mga higala
o magbutangbutang sa iyang isigkatawo;
4siya nga nagsalikway sa gisalikway sa Dios,
apan nagpasidungog niadtong mahadlokon sa Ginoo;
siya nga nagtuman sa iyang saad,
bisag lisod kaniya ang pagtuman niini;
5siya nga magpahulam ug dili magpatanto
ug dili magpasuborno aron pagsaksi batok sa dili sad-an.
Ang nagbuhat niini dili gayod matarog.
Selectat acum:
Mga Salmo 15: MBBCEB99
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Maayong Balita Biblia © Philippine Bible Society, 1999.