Mga Salmo 113
113
Pagdayeg sa Kaayo sa Ginoo
1Dayga ang Ginoo!
Kamong mga alagad sa Ginoo,
dayga ang iyang ngalan!
2Dalaygon ang ngalan sa Ginoo
karon ug hangtod sa kahangtoran!
3Gikan sa sidlakan hangtod sa kasadpan,#113:3 Gikan sa sidlakan hangtod sa kasadpan: o Gikan sa buntag hangtod sa gabii.
daygon ang ngalan sa Ginoo!
4Ang Ginoo nagmando sa tanang kanasoran,
ug ang iyang himaya saylo pa sa kalangitan!
5Kinsay sama sa Ginoo nga atong Dios
nga nagpuyo sa kahitas-an
6ug naglantaw sa langit ug sa yuta?
7Gibangon niya ang mga kabos gikan sa abog,
ug gibayaw ang mga timawa gikan sa pagkaalaot;
8gipalingkod niya sila uban sa mga prinsipe,
sa mga prinsipe sa iyang katawhan.
9Gipasidunggan niya ang mga babaye nga wala manganak,
ug gilipay niya pinaagi sa paghatag kaniyag mga anak.
Dayga ang Ginoo!
Selectat acum:
Mga Salmo 113: MBBCEB99
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Maayong Balita Biblia © Philippine Bible Society, 1999.