Sam 67
67
Kinera Zama Leana Koe Tamasa
(Sa kinera pude mikemike nia)
1Tamasa, Mamu tataruni gami na manani gami si gami.
Mu doṉo mae gami pa Mua tataru,
2pude madi gilania rina tiena sa kasia popoa sa Mua hiniva;
meke pude di gilania ri doduru butubutu
sapu harupu gami Goi pa Mua ṉiniraṉira.
3Kei Tamasa, madi vahesigo rina tinoni si Agoi,
madi vahesigo ri doduru tinoni.
4Madi kera qetuqetu sari doduru butubutu,
ura varipitui ni Goi pa tinoṉoto,
meke turaṉi sari na butubutu pa pepeso.
5Kei Tamasa, madi vahesigo rina tinoni si Agoi.
Madi vahesigo ri doduru tinoni,
6meke kaqu masuru sa pepeso, meke vua katakata sari na vuvua,
meke kaqu manani gita sa nada Tamasa si gita.
7Uve kaqu manani gita sa Tamasa si gita,
kaqu va lavatia rina tinoni pa doduru kasia popoa si Asa.
Selectat acum:
Sam 67: ROV
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
© 2016, Wycliffe Bible Translators, Inc. All rights reserved.