Sam 149
149
Keke Kinera Vinahesi
1Mi vahesia se Zihova!
Mi kera la nia koe Zihova si keke kinera vaqura.
Vahesia si Asa pa korapa vinarigarae tie raṉeraṉe!
2Mi koa qetuqetu nia gamu na tie Izireli si Asa pu tavete gamu.
Mi koa qetuqetu nia sa mia Baṉara, gamu pu koa pa popoa Zaione!
3Mi peka pa vinahesina sa Pozana,
mi kera vahesia koari na mike na kizakizana.
4Ura qetu ni e Zihova sari na Nana tie,
va lavati Sa sari na tie va pepekae pa tinaharupu.
5Madi koa qetuqetu pa minataqara sari na tie te Tamasa,
madi kera qetuqetu doduru boṉi.
6Madi kera va ululae si arini pa vinahesina sa Tamasa,
meke taṉini sari na vedara pa limadia,
7pude va kilasi sari na votiki butubutu,
meke sari na dia tinoni.
8Pude pusi vagi sari na dia baṉara,
meke sari na dia koimata pa seni aeana.
9Pude va kilasi sari na votiki butubutu, gua sapu ele garunu nia sa Tamasa.
Gua asa sa minataqara tadi na tie te Tamasa.
Mi vahesia se Zihova.
Selectat acum:
Sam 149: ROV
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
© 2016, Wycliffe Bible Translators, Inc. All rights reserved.