MALAKI 4
4
Toupa Thukhen Vaihawmna
1“Ngai in, ani ahong tun ziak in, meiphualpi bang in akuang a; huchi in kisatheite tengteng, gilou nasemte tengteng, buhpawl ahi ding uh; huan ahong tung huai ni in amaute zung leh hiang nuse lou hial in akangmang ding uh,” sepaihte' Toupa'n achi. 2Himahleh nou ka min kihtate kiang ah diktatna ni, akhate ahihdamna toh ahong suak ding; huchi in na pawtkhe ding ua, huangsung bawngnoute bang in na diang velhvelh ding uhi. 3Huan giloute na sikden ding ua; ka gamtat ni chiang in na khepek nuai uah meivu hi ding ahih ziak un, sepaihte' Toupa'n achi.
Theigige Dia Sapna
4“Horeb a Israel tengteng a ding a ka sikha Mosi Dan, amah thupiak, dan thusehte leh vaihawmte ngei, theigige un. 5Ngai un, Toupa ni thupi leh mulkimhuai ahong tun ma in na kiang uah zawlnei Elijah ka hon sawl ding hi. 6Pate lungtang tate lam ah, tate lungtang apate uh lam ah angasak ding; huchi lou in zaw hamsia in lei ka gawt kha ding hi.”
Selectat acum:
MALAKI 4: PAITBSI
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.