Salmos 30
30
Chrokjuikosáyeheni Díos
Salmo kuènté David
1Itꞌéni Díos, tjikosayéheni ti jaha kixin kjui̱nchekaáni.
La kjuájonhña kjuachaxin kixin ti sin nínkaon
chrókjuanoá sin ti jeheni.
2Jaha Díos kuènténi,
kjuanchiani kixin tsjínki̱tsani,
la jaha kjui̱nchekito̱héni jína.
3Itꞌéni Díos, jaha kjuínki̱tsa kixin sákjuíhyani ti tòye̱.
Jaha kjuánjua kjuachón la kꞌuénhñani kixin jaha kjui̱nchekaáni.
4Méxra̱ kaínra tinkachónkira Itꞌéni Díos la chrótsjera,
chrókjuíkosáyehéra ti ihni̱é chꞌan.
5Kixin ti kjuanínkaon kuènté Díos la kanhñó isé tóxrjen,
la nkochríxín tjue̱he chꞌan ti jeheni.
Kjónté tsotsjánkani kuenté tie,
kjánchó ti ó nchítjen la tso̱chéhe̱ni.
6Ti jína kjuákꞌeni, la kjuénka̱yáxini
kixin ninkehó nkehe tsjachahya tsjachròe ti jeheni.
7Jaha, Itꞌéni Díos,
kjuínki̱tsa ti jeheni la kjuánjua kjuachaxin kixin tsjakꞌeni jína
éxi ijnko ijna̱ tꞌinkihya.
Kjánchó ti ó kjuakꞌeme̱héni, la imá kóxakoheni.
8Jaha, Itꞌéni Díos, tꞌéya̱hani;
la jaha, Itꞌéni Díos, chrónoéhe̱ni ti jaha.
9¿Xá nkehe chrókóhen ti chrókꞌueni,
ti ó chrókjui̱xraváni?
¿Xá á jína chrókjuikosáyaha ti inche ní?
¿Á ti inche tsochronka ti itan ndoá ní?
10Itꞌéni Díos, tihín, ti̱konoéhéni.
Jaha mé tjínki̱tsani.
11Jaha kjuatsén ti kjuatꞌává chóntani,
la kjuánjua ti kjuachéhe̱.
Jaha kuakítsje ti ika tié tjenkáyani,
la kjuánjua ti ika kuènté kia.
12Méxra̱ ijie la tsotsjeni tsjikosáyahani
la xitjahya tsotáníni.
Jaha Itꞌéni Díos, mé tsotjáhani kjuasáya nkochríxín.
Selectat acum:
Salmos 30: poeNTplus
Evidențiere
Împărtășește
Compară
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2016, Wycliffe Bible Translators, Inc. All rights reserved.