Salmos 127
127
Kaín nkehe jína la tjajon Díos
Salmo kuènté Salomón
1A̱ndá ti chrókjuajonhña kjuachaxin Itꞌéni Díos kixin chrókꞌóna ti nchia
la ninkehó sínkíhya kjónté ti sin chꞌéna tja̱tꞌo̱ jína kjuíchꞌe ixra̱.
A̱ndá ti chrókꞌuayakuenhña Itꞌéni Díos ti chjasin a
la ó chónkó kjónté tjejónta ti sin tꞌayakohen ti chjasin.
2Chónkó chrókꞌuàyara imá nchítjen chrókjui̱chꞌera ixra̱
hasta chrókóntanonte
ndá imá chrókꞌóxrjéra chrókjuachara ijnko nio̱tja̱,
kixin Díos la tjajon nkehe sinie ti sin tjue̱he chꞌan
la tꞌayakohen ti sin kjónté na̱xa̱ tjejójua sin.
3Ti ixjan tsokjíhi
mé ijnko nkehe imá tjete
kjuíncheki̱to̱nhe̱n Itꞌéni Díos ti jeheni.
4Ti ixjan tsokjíhi ti na̱xa̱ ntasoáni
la éxi ijnko flecha sátjiko ti nkexro sátsji guerra.
5Náxrjón ti nkexro yámá nchónhña flecha xi̱kaha
kixin kjónté siín ti sin nínkaon
la tsjachahya sin sinchechrákon sin ti tjejó ti sin juez.
Selectat acum:
Salmos 127: poeNTplus
Evidențiere
Împărtășește
Compară
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2016, Wycliffe Bible Translators, Inc. All rights reserved.