Versete biblice populare din 2 Tiˆmoˉseˍ li‸ 4

Împărtășește

Da‸ jaˇ ve bawˆ da‸ tuˬ hta‸ ngaˬ bawˆ da‸ peuˬ. Gʼuiˇ da‸ ve teˇ ceuˬ hta‸ awˬ leh hkʼa gaˬ ngaˬ gʼuiˇ peuˬ. Yonˍ ve teˇ ceuˬ hta‸ ngaˬ hkʼa deh‸ vawˆ taˍ peuˬ.

Bon hkawˇ hkʼa deh‸ maˍ piˇ-oˆ. Awˬ yanˇ cawˇ ve maˇ kʼoˆ, maˇ cawˇ ve maˇ kʼoˆ, gʼaˇ hte‸ te-o. Deˇ maˍ piˇ leh shaˍ ti‸ piˇ-oˆ. Dawˇ zuhˬ gaˇ zuhˬ ve leh maˍ piˇ ve awˬ hkʼaw lo awˬ gʼaˇ piˇ-oˆ.

Awˬ lawn kʼo, chaw yaˇ hui lehˬ, hteˇ ve cawˇ ve maˍ piˇ ve tawˇ hkawˇ hta‸ maˇ na yuˬ ve awˬ yanˇ gaˬ la tuˬ yoˬ. Yawˇ hui lehˬ, aˬ hto‸ ma teˇ ceuˬ awˬ lawn ka‸ kaˇ gaˇ puiˉ leh, a shu yawˇ nyi ma cawˇ ve hkʼe maˍ laˇ ve saˍ la‸ maˇ chaweh hta‸ yawˇ hui geh chehˇ piˇ lawˬ tuˬ yoˬ. Hteˇ ve cawˇ ve tawˇ hkawˇ hta‸ maˇ gʼa na tuˬ yawˇ hui hpfuhˆ kʼai leh, kaˇ puiˇ kaˇ lao hkawˇ hta‸ na leh awˬ hkʼaˇ suh kʼai tuˬ yoˬ.

Nawˬ lehˬ, teˇ ceuˬ le le awˬ hkʼaw lo nyi ma taˍ puiˉ ve chaw hpeh‸ leh shaˍ ti‸ taˍ-o‸. Tu‸ ve hkanˍ ve hta‸ hkanˍ chehˇ-oˆ. Ha lehˬ ve bon hkawˇ maˍ ve kanˉ hta‸ te chehˇ-oˆ. Nawˬ te chehˇ ve kanˉ hta‸ biˇ la htaˇ hkʼa gaˬ te-o.

Chi beu‸ lehˬ, hteˇ ve cawˇ ve shi uˉ tcuhˍ ngaˬ awˬ pon ha‸ shaˉ taˍ ve yoˬ. Awˬ nyi oˇ ve awˬ hkʼaw lo hteˇ ve cawˇ ve suhˉ jehˬ shehˍ hpaˇ Jawˇmawˇ Yeˍsuˆ lehˬ, shi uˉ tcuhˍ oˇ ve ngaˬ hta‸ pe‸ laˇ tuˬ yoˬ. Ngaˬ hta‸ ceh tiˉ maˇ heˆ. Yawˇ kʼaw‸ tawˆ la tuˬ ve hta‸ dawˇ law chehˇ ve chaw hkʼa peu-eˬ hta‸ htawˇ yawˇ piˇ tuˬ yoˬ.