Versete biblice populare din Iesui Potmuꞌeria 9

Împărtășește

Miꞌi hawyi Iesui toꞌe -Taꞌi atikuap taꞌyn wen maꞌato ereto ro Sauru kape katupono uipo piat raꞌyn wyti miꞌi. Uimiꞌairo sese raꞌyn miꞌi e. Taꞌi atipoꞌoro wyti aru Sauru wuatꞌi ywania kape uhenoi hamo e. Morekuaria piat uimoherep hamo wyti aru atipoꞌoro Sauru e. Isareu ywania pe iꞌewyte iraniaꞌin ywania pe ti aru atipoꞌoro miꞌi miit e.

Miꞌi pote Sauru taꞌat yi tote hawyi toikuap sehay -Sauru Sauru e kat hamo ten uhatyꞌi hatyꞌi en e. Miꞌi pote toiwesat -Uweĩ En Mehin e. Miꞌi hawyi -Uito rat Emisatyꞌi satyꞌi sese Iesui e toiwesat.

Miꞌi hawyi toto raꞌyn Anania Sauru kape Tupana piat topoꞌoro hap ewy. Putꞌok toꞌe hawyi Anania tuweponug hawyi toꞌe -Uiwyꞌok Sauru e Aikaꞌiwat Koro Iesui uipoꞌoro mesup emoehãite hamo e. Gaꞌatpo tuwemoherep epe muap upi e. Miꞌi Miit uipoꞌoro mesup katupono toikyꞌesat kahato ehapytig sese hap iꞌewyte tutum neran epe Topaꞌãu Wakuat yn e Sauru pe Anania. Mio tã e hawyi hewo raꞌyn pira pe ewywuat Sauru eha pyi hawyi ihapytig i raꞌyn hawyi iꞌapeꞌokꞌam naꞌyn hawyi Anania hetꞌok taꞌyn yꞌy wo.