Versete biblice populare din Iesui Potmuꞌeria 20

Împărtășește

Atimoherep kahato ehepe uipotpap hap aikotã waku watum yt kat i ereko haria pe aimiereko koꞌi hap e. Taꞌi waku aiwatetup Aikaꞌiwat Iesui ehay kape aikotã saꞌawyꞌi toꞌe hap kape -Aimiium wyti poꞌog aimowepiit aimikyiꞌat koꞌi kai e Iesui e Pauru.

Maꞌato yt arekenꞌẽ hin i uikuꞌuro hap pupi katupono atunug yne teran kat kat som motpap Aikaꞌiwat Iesui miium uhepiat uipoꞌoro hap koꞌi. Miꞌi ti tutum sehay wakuap aikyꞌe Tupana piat hap uimienoi wuat. Miꞌi pote ti atunug yne teran e Pauru.

Pyno eiweꞌeg wo o. Eweiꞌapykok Tupana hũria Tupana Paꞌãu miium eipo puat koꞌi. Eweiꞌatupoi o Tupana hũria Iesui mikyiꞌat tosuu wuat koꞌi ihay wo Tupana emiitꞌin e.

Uiwyriaꞌin e koitywy areto raꞌyn eipyꞌasetpyi. Maꞌato ti worohoꞌoꞌatoiat eipe Tupana po pe. Tupana ti eikyꞌe hap hum kahato ehepe. Tutum ahepe tehay wakuat aimoesaika hamo aimohãpyk yt nakuap i kaipywiat hamo. Miꞌi pote watoineꞌen hemiitꞌin no iraniaꞌin imimoewaku koꞌi saipepiaria wo mesup e Pauru tawa Ewesu piaria pe.