1
Matäus 5:15-16
De Bibel
PB
Kjeen Mensch stekjt eene Laump aun un bestelpt dee dan unja eenen Ama. Dee woat doch opp eenen Laumpenhoola jestalt, daut doa fa aulem em Hus Licht es. Soo lot uk jun Licht ver de Menschen schienen, daut see june goode Woakjen seenen un jun Voda em Himmel doafäa lowen.
Compară
Explorează Matäus 5:15-16
2
Matäus 5:14
Jie sent daut Licht fa dise Welt. Daut es ommäajlich eene Staut to vestäakjen, dee opp däm Boajch licht.
Explorează Matäus 5:14
3
Matäus 5:8
Seelich sent dee, dee een reinet Hoat haben; wiels dee sellen Gott seenen.
Explorează Matäus 5:8
4
Matäus 5:6
Seelich sent dee, dee een Hunga un Darscht no Jerajchtichkjeit haben; wiels dee sellen saut woaren.
Explorează Matäus 5:6
5
Matäus 5:44
Oba ekj saj junt: Siet june Fiend goot, un säajent dee, dee junt flieekjen; doot goots fa dee, dee schlajcht to junt sent; bät fa dee, dee junt beleidjen un vefoljen
Explorează Matäus 5:44
6
Matäus 5:3
Seelich sent dee, dee em Jeist oam sent; wiels an jehieet daut Himmelrikj.
Explorează Matäus 5:3
7
Matäus 5:9
Seelich sent dee, dee doa Fräd moaken; dee woaren Gott siene Kjinja heeten.
Explorează Matäus 5:9
8
Matäus 5:4
Seelich sent dee, dee truarich sent; wiels an saul jetreest woaren.
Explorează Matäus 5:4
9
Matäus 5:10
Seelich sent dee, dee om Jerajchtichkjeits wellen vefolcht woaren; wiels daut Himmelrikj es äat.
Explorează Matäus 5:10
10
Matäus 5:7
Seelich sent dee, dee met aundre Metleet haben; met dee woat Gott Metleet haben.
Explorează Matäus 5:7
11
Matäus 5:11-12
Seelich sent jie, wan de Menschen om mient haulwen äwa junt schellen, junt vefoljen, un junt aulahaunt schlajchtet noräden, wan daut nich soo es. Freit junt un siet hechst froo; daut woat junt em Himmel goot beloont woaren. Wiels jrod soo haben see de Profeeten vefolcht, dee ver junt wieren.
Explorează Matäus 5:11-12
12
Matäus 5:5
Seelich sent dee, dee saunftmootich sent; wiels dee sellen de Welt oawen.
Explorează Matäus 5:5
13
Matäus 5:13
Jie sent daut Solt oppe Ieed. Wan oba daut Solt dän Jeschmak velist, wäa kaun daut wada soltich moaken? Daut es dan to nuscht to brucken. Jie kjennen daut bloos noch utschedden un von de Menschen veklunjen loten.
Explorează Matäus 5:13
14
Matäus 5:48
Oba jie motten volkomen sennen, jrod soo aus jun Voda em Himmel volkomen es.
Explorează Matäus 5:48
15
Matäus 5:37
Lot jun jo, jo sennen, un jun nä, nä sennen. Waut jie doaräwa gonen, kjemt vom beesen.
Explorează Matäus 5:37
16
Matäus 5:38-39
Jie haben uk jehieet, daut doa jesajcht wia: “Een Uag fa een Uag, un eene Tän fa eene Tän.” Oba ekj saj junt, doot äwahaupt nich Rach eewen, wan junt wäa orrajcht deit; leewa, wan die wäa opp de rajchte Bak schleit, dan hool am de linkje uk han.
Explorează Matäus 5:38-39
17
Matäus 5:29-30
Wan dien rajchtet Uag die veuasoakt to sindjen, dan riet daut ut un schmiet daut wajch. Daut es bäta wan du een Poat vom Kjarpa velist, aus wan dien gaunza Kjarpa en de Hal jeschmäten woat. Wan diene rajchte Haunt die veuasoakt toom sindjen, dan hak dee auf un schmiet dee wajch. Daut es väl bäta fa die, wan du een Jlett velist, aus wan dien gaunza Kjarpa en de Hal jeschmäten woat.
Explorează Matäus 5:29-30
