Versete biblice populare din Lugu 8

Împărtășește

Njé gə́ teḛ ɔm dɔ naŋg gə́ maji’g lé wɔji dɔ deḛ gə́ d’oo ta gə meendakaḭ ləm, gə meemaji ləm tɔ ndá d’wa meḛ dee dɔ’g bururu ləm, d’ai meḛ dee dɔ’g sam-sam ləm tɔ ndá d’andə gə kandə dee njim-njim.

Njé gə́ teḛ ɔm naŋg mee kunje’g lé wɔji dɔ deḛ gə́ d’oo ta lé ndá d’ɔd par d’aw d’ar mal néje gə́ ɓəd-ɓəd ləm, gə nébaoje gə́ dɔ naŋg ləma, gə rɔlelje gə́ dɔ naŋg nee ləm tɔ lé d’udu dɔ ta neelé lusu d’aree to asəna gə kandə né gə́ andə gə́ kuree bèe ya.

Njé gə́ teḛ ɔm dɔ mban-ər’g lé wɔji dɔ deḛ gə́ d’oo ta lé gə mbi dee ndá deḛ taa gə rɔlel tɔ, nɛ ŋgira ŋgəŋ lə dee godo ar dee d’ɔm meḛ dee dɔ’g waga ba ndá loo gə́ né teḛ dɔ dee’g aḭ meḛ dee ndá d’ɔr ne moŋgyo̰ d’oso yal mba̰.

Tɔɓəi yeḛ ula dee pana: Meekun lə sí ɓa gə́ ra wa. Yen ŋga kaar dee wa dee paḭ ar ɓəl unda dee badə gaŋg dee ar dee dəji na̰ ta gə ŋgan gwɔs dee pana: See dəw neelé to gə na̰ ɓa wa ta lel gə mán baa-boo daŋ’d ar dee d’oo ta təa’g togə́bè wa.

Njé gə́ teḛ ɔm naŋg kag-rəw’g lé wɔji dɔ deḛ gə́ d’oo ta gə mbi dee, nɛ léegəneeya njekurai lé ree, ɔr ta lé meḛ dee’g ho̰d, nà banelə d’a kɔm meḛ dee dɔ’g kaji ne.

Mbata né gə́ rara gə́ a kiya rəa kar dee lal tegginee gə́ raga lé godo ləm, əsé né gə́ rara gə́ d iya gə ŋgəḭ gə́ d’a lal gəree əsé teḛ ne gə́ raga lé godo ləm tɔ.

Dené neelé loo gə́ yeḛ oo to gə́ né gə́ yeḛ ra gə ŋgəḭ lé to raga təsərə ndá ɓəl undá badə gaŋgee aree unda bala tigi-tigi. Yeḛ ti oso naŋg gɔlee’g, teggin kɔrɔ gə́ yeḛ ɔrɔ ne rəa kəm koso-dəwje’g neelé ləm, ulá ne loo kaji gə́ yeḛ aji lé gə́ léegəneeya ləm tɔ. Jeju ilá keneŋ pana: Ŋgonəm gə́ dené, meekun ləi taa né ari aji ne ya. Ɔd aw loo ləi gə meekulɔm tɔ.

Deḛ rəm pər gə́ rəa’g ndelee d’ulá pana: Mbai, mbai, jeḛ lé n’saḭ mba̰. Yeḛ teḛ kəmee yərərə ndá ḭ gə lel ndaŋgee ləm, yeḛ pa gə paŋgəm mán lé ləm tɔ. Léegəneeya lel lé əw rəa kula ləm, dɔ mán kara toso ɗəḭ-ɗəḭ ləm tɔ.