Versete biblice populare din လုကာကျမ်း 3

Împărtășește

လူအပေါင်းတို့သည် “ရေနှစ်မင်္ဂလာ” ဗတ္တိဇံကိုခံယူကြသောအခါ ဟဇရသ်အီစာသည်လည်း “ရေနှစ်မင်္ဂလာ” ဗတ္တိဇံကိုခံယူတော်မူ၏။ အီစာသည် “ဒိုအာ” ဆုတောင်းလျက်နေတော်မူစဥ် မိုးကောင်းကင်ပွင့်ဟ၍ “ရူဟုလ်ကုဒွတ်စ်” သန့်ရှင်းသောဝိညာဥ်တော်သည် ချိုးငှက်အသွင်ဖြင့်ထင်ရှား၍ အီစာ၏အပေါ်သို့ ဆင်းသက်တော်မူ၏။ မိုးကောင်းကင်မှ “သင်ကားငါအားရနှစ်သက်သော ငါ၏ချစ်သားတော်ပေတည်း” ဟု အသံတော်ထွက်ပေါ်လာ၏။

သို့ဖြစ်၍ ယာဟ်ယာက “ငါသည် သင်တို့အားရေဖြင့် ‘ရေနှစ်မင်္ဂလာ’ ဗတ္တိဇံကိုပေး၏။ သို့ရာတွင် ငါ့ထက်ကြီးမြတ်သူသည် ငါ့နောက်မှပေါ်ထွန်းလိမ့်မည်။ ငါသည် ထိုအရှင်၏ဖိနပ်ကြိုးကိုမျှ မဖြေထိုက်။ ထိုအရှင်သည်သင်တို့အား ‘ရူဟုလ်ကုဒွတ်စ်’ သန့်ရှင်းသောဝိညာဥ်တော်ဖြင့်လည်းကောင်း၊ မီးဖြင့်လည်းကောင်း ‘ရေနှစ်မင်္ဂလာ’ ဗတ္တိဇံ ကိုပေးတော်မူလိမ့်မည်။

အပြစ်မှ ‘သောင်​ဗဟ်​’ နောင်တနှ​င့် ထိုက်​တန်​သော​အ​ကျ​င့်​ကိုကျ​င့်​ကြ​လော့။ အီဗ်ရာဟိမ်သည် ငါတို့၏​အ​ဖ​ဖြစ်​သည်​ဟု မ​ပြော​ကြ​နှ​င့်။ အလ္လာဟ်​အ​ရှင်​မြတ်​သည် ဤ​ကျောက်​ခဲ​များကို အီဗ်ရာဟိမ်၏​သား​သ​မီး​များ​ဖြစ်​စေ​ရန် ဖန်​ဆင်း​နိုင်​တော်​မူ​သည်​ဟု သင်​တို့​အား​ငါ​ဆို၏။

ယခုပင် သစ်ပင်ရင်းအမြစ်ကို ပုဆိန်ဖြင့်ရွယ်ထားလျက်ရှိပါသဖြင့် အသီးကောင်းကိုမသီးသောအပင်ဟူသမျှသည် ခုတ်လှဲ၍ မီးထဲသို့ပစ်ခြင်းခံရလိမ့်မည်” ဟု ဟောပြောလေ၏။

နဗီတမန်တော် ဟေရှယကျမ်း၌လာသည်ကား၊ “တောကန္တာရ၌ ကြွေးကြော်သောသူ၏အသံမှာ ‘အရှင်သခင်ကြွတော်မူရာလမ်းကို အသင့်ပြင်ဆင်ကြလော့၊ သူ၏လမ်းကို ဖြောင့်တန်းအောင်ပြုကြလော့။ သူတို့သည် ချိုင့်ဝှမ်းတိုင်းပြည့်နေပြီး၊ တောင်ကုန်းတိုင်းနှိမ့်ချကာ၊ ကောက်သောလမ်းကို ဖြောင့်တန်းစေကာ၊ မြင့်သည်နှင့်နိမ့်သောလမ်းကို ချောမွေ့စေမည်ဖြစ်သည်။ လူအပေါင်းတို့သည် အလ္လာဟ်အရှင်မြတ်၏ ကယ်တင်ခြင်းကျေးဇူးကို တွေ့မြင်ရကြလိမ့်မည်’” ဟူ၍ဖြစ်သည်ဟု ရေးသားထား၏။