Versete biblice populare din Apocaripisi 8

Împărtășește

Papeo pico naqquini nepi tamaroni 7 nanicca rricarinicca Eueue Bedi itabori zezape memeuarri madimanarrarideni bazima marri orraria rricabote naha tocadidire narrari. (Cariua attizape: meia hora, quenarrari.)

Nezape Deocca zozosse memeuarricca taidecca rrori rrori nanarra passo ccara torrani, zippo rradarini touemene carrimehe quissa inaronarraro. Narrarorrine nami arobeni dirri tezape aua mota dirri, ppatanicca, mina naqui nemanehe dirri tarizarraro. (Arobenipe cariua attiza: tercera parte, quenarrari.)

Zotode meme nocconiza ssibiri potarrari toccaui qqui onarrari. Toccaza atti moui taui omittarraro. Poua atti arrama narrari: —A, rraho! Namicca madirrapa touati nauanaqquiri nauitoui. Niza Deocca zozosse memeuarricca tabaqqui ouahadeni 3 quenarrari rrori rrori quenazapa uima denima oppina tanicca torranitoui −nade ssibiri potarrari.

Nazapa Deocca zozosse memeuarricca zotodecca rrori rrori nanarra rrororoni imeni pina ssono imenissa narraro coro inaronezape passo imeniza ssonipparraro. Nezape passo imeni arobeni touemene torrarizarraro.

Nazapa Deocca zozosse memeuarricca 3 nauicca rrori rrori nanarra amoua mota carrirarrari memeuarri dirri tocanaha rrororone motarehema cassonarrari. Nami arobeniza cassonaza ueni motaza, passo sibaza qquenarraro motaza cassonipparizarrari. Amoua mota carrirarrari onipa: Bidabote. Narrarirrine passo motape tobidarizarraro. Narraro passo ze quenazapa madirra uapi taha cacotarizarrari.

Nazapa Deocca zozosse memeuarricca 4 nauicca rrori rrori nanarra marri arobe touaidira, abazico arobe touaidira, amouadeni mota touaidirariza narrari. Nazapa bazima arobe ouirizarrari. Narrarorrine ssiuarrani arobenipe tossiuarrani nerrerani. Zome arobeni naqui tossiuarrani nerrerani.