Versete biblice populare din Apocalipsi 5

Împărtășește

Veinticuatro drõãrãba, animarã zaca zocai b̶ea quĩmãrẽ panʌ bid̶a naʌ̃ trʌ̃ãbi djiwid̶ida trʌ̃ãsid̶aa: Bʌra beaped̶ad̶a bẽrã bʌdrʌ bia b̶ʌa maʌ̃ carta edaped̶a dji cara b̶eara oguecuaida. Bʌ oa erozoad̶aba ẽberãrãda Ãcõrẽ itea nẽdosia. Bed̶eazabemada, puruzabemada, jũma druazabema sid̶a ʌ̃cʌrʌ nẽdosia.

Nãwã jĩgua trʌ̃ã panasid̶aa: ¡Oveja Zaque beaped̶ad̶ada bio bia b̶ʌa! Jũmarãba idjía bia bed̶ead̶ida panʌa ne jũma poya erob̶ʌ bẽrã, ne jũmada erob̶ʌ bẽrã, jũma cawa b̶ʌ bẽrã idjab̶a bio ʌb̶ʌa b̶ʌ bẽrã. Idjidrʌ dji dromaara b̶ʌad̶a ad̶ida panʌa idjab̶a bio bia quiruad̶a ad̶ida panʌa.

Bʌa ãdjirãra b̶ʌsia dadji Ãcõrẽ purud̶e sacerdoterãda b̶ead̶amãrẽã. Idjab̶a naʌ̃ ẽjũãne dji bororãda b̶ead̶ia.

Maʌ̃ne mʌ̃a ũrĩsia jũma Ãcõrẽba od̶a bajãne b̶eaba, naʌ̃ ẽjũãne b̶eaba, beud̶arã jaureba, pusad̶e b̶ea bid̶a nãwã trʌ̃ã duanʌda: Jũmarãba dji bugue biya quirud̶e chũmʌ́a, Oveja Zaquea bid̶a ewariza bia bed̶ead̶ida panʌa. Ãdjida dji dromaana ad̶ida panʌa, bio bia quiruad̶a ad̶ida panʌa, idjab̶a ãdjia jũma poya eropananida bia b̶ʌad̶a ad̶ida panʌa.

Baribʌrʌ veinticuatro drõãrãnebema ab̶aʌba mʌ̃́a nãwã jarasia: “Waa jĩãrãdua. Acʌdua, Juda ẽberãrãnebema Imama abadaba idji ume dji quĩrũda poyasia. Idjira David̶eba zed̶aa. Idjiabʌrʌ naʌ̃ cartad̶e siete cara b̶eara oguecuaped̶a ewaraida b̶ʌa.”