Versete biblice populare din O GALATIA 1

Împărtășește

Boteka de gënanga nihi mäke ngohi hokä tönganono o nyawa ihï igo? Hakali-kali kowali! Ngohi duga-duga tönganono o mangaku ma Jou Madutuino. Boteka ngohi tohi dodailako tal̄ë o nyawa manga hininga hupaya o nyawa ihi sanangi? Nako ngohi katodiaiohi hoko gënanga, ngohi o Kristus ai gilaongua.

O nyawa ihi ngahu-ngahu ö abari ma oa” haramoioli de o Abari ma Oa ngomi mihi ngahu-ngahuoka, mal̄aikala Unanga ma Jou Madutu wïhukumu – ngarokö o nyawa gënanga ngomi mahirete ekola o malaekat o horogaino!

O Roriadodoto o jemaat-jemaat o Galatia madaeraoka. Ngohi, o Paulus, deʼ o riadodoto Haranioka mata-mata mima komoteke de ngohi, minganono tanu ma Jou Madutu tongone nanga Ama de ma Jou Yesus Kristus wohi döaka o barakati deʼ o lolä nginika. Ngohi todadi o rasul de o nyawaua mahuhuloko ekola karana o nyawa ihi göraka, duga-duga de o Yesus Kristus deʼ ma Jou Madutu nanga Ama wihiwango okali Unanga o honenge mahidogoronaka. Wamoteke de wadiai ma Jou Madutu tongone nanga Ama ai mau, o Kristus wohi döaka Ai diri idadi o huhuba mangale hagala tongone nanga baradoha, hupaya ngone inahi halamati o öraha i totorouino nënanga.