Versete biblice populare din 1 Samuwele 17

Împărtășește

Kambe Dhavhidha a to khene ka Mufilista: Awe uta kwangu wu di ni ditxhari, ni mseve, ni txivhikelo; kambe ani ni ta kwako ngu ditina da MKOMA wa Mabutho a Tiyimbi, i ku Txizimu txa Mabutho a Tiyimbi a ka Israyeli, awule wu mruketelako.

Ni wotshe msengeletano wuwa wu na tiziva ti to MKOMA wa hanyisa, na i si nga ngu ditxhari mwendo mseve; nguko kulwa nga MKOMA, se ene a na mi ningela manzani kwathu.

A to khene kambe Dhavhidha: MKOMA a ni hulukisile manzani ka ngonyamo ni ka ursu; ene a na ni hulukisa manzani ka Mufilista wuwa. Sekoko Sawule a to khene ka Dhavhidha: Tsula, MKOMA a nave ni nawe!

Kona nyamsi MKOMA a na kuningela manzani kwangu; se ni na kudaya, ni wila msungo; kambe sirumbi sa wugoveloni ka Vafilista ni na si ningela kona nyamsi ka sinyana sa nzumani, ni ka sihari sa ha mafuni; aniko mafu otshe ma na ziva taku Txizimu txiho kona Israyeli.

Se a to teka ndonga yakwe manzani, eya ti sawulela mtxhanu wa marigwi txinambwanani, e ma veka amu ka mrava wa wudyisi, wu a nga ti ti nawo; e teka txibhalakaza txakwe manzani, e tshuketela ka Mufilista.

Se Dhavhidha a to khene ka Sawule: Ti nga gume mtamo timbilu ngu mhaka yakwe; txithumi txako txi na tsula txi yalwa ni Mufilista wuwa.