Versete biblice populare din MGA AWIT 119

Împărtășește

Ang salita mo'y ilawan sa aking mga paa, At liwanag sa aking landas.

Ang salita mo'y aking iningatan sa aking puso: Upang huwag akong magkasala laban sa iyo.

Sa paano lilinisin ng isang binata ang kaniyang daan? Sa pagdinig doon ayon sa iyong salita.

Mapalad silang nangagiingat ng kaniyang mga patotoo, Na nagsisihanap sa kaniya ng buong puso.

Ikaw ang kublihan kong dako at kalasag ko: Ako'y umaasa sa iyong salita.

Bigyan mo ako ng pagkaunawa at aking iingatan ang iyong kautusan; Oo, aking susundin ng aking buong puso.

Ikiling mo ang aking puso sa iyong mga patotoo, At huwag sa kasakiman.

Mabuti sa akin na ako'y napighati; Upang aking matutuhan ang mga palatuntunan mo.

Ito'y aking kaaliwan sa aking pagkapighati: Sapagka't binuhay ako ng iyong salita.

Payaunin mo ako sa landas ng iyong mga utos; Sapagka't siya kong kinaaliwan.

Ituro mo sa akin, Oh Panginoon, ang daan ng iyong mga palatuntunan; At aking iingatan hanggang sa wakas.

Ang kaluluwa ko'y natutunaw sa kabigatan ng loob: Iyong palakasin ako ayon sa iyong salita.

Oh gaanong iniibig ko ang iyong kautusan! Siya kong gunita buong araw.