Versete biblice populare din 1 PEDRO 1

Împărtășește

Ućhumnakki Yöśkin niźaśa ućhumnaka Jesucriśtu Tatź Ephźkinź aynaqila, xalla nïki nïź añcha oqśñi quśtan ućhumnak wilta mathqatchićha, ni Jesucriśtuźtan chika jakatataxu. Xalla tïki ućhumnakakiś tshi wiñay źetiź thäćha, niźaśa ni Yöśki anćhukakiś ni tsewkta yoqkin śhoxta pataź tansqatakićha, xalla ni pataki anapan palhta khesaćha niźaśa anapanź khjuchinsnasaćha niźaśa anapanź tikhźnasaćha.

Xalla niźtikiśtan anćhukki kuntintućhukpanćha, niźaśa tshi qhaźtapacha t'aqhiśiś wakiśanaki ti pachkiś añcha t'aqhiśakićha. Niźaśa ni anćhuka thapa quśki tshi qoriźtaqaśśa: Xalla ni qorź waluraki ujźtan yanźta khiśtanćha. Xalla ni t'aqhiśiśnaka awantiñi thapa quśki tshi qorkiśtan tshantiź walćha, xalla ni qoriki thatnasaćha. Niźaśa ni anćhuka quśki nuź yanźta khenaki, ni Jesucriśtuź aśtan thonan iyawkhita khiś wakiśićha.

Ans anćhukki śuma źkayi qamañchiśpanź qama, xalla ni anćhuk qhawśñi Yöśki źkayićha; Xalla ni Yöś śuma kintu Khjirtikiśiki, tuź khićha: “Anćhukki źkayi quśśiśpanź khella, werhki źkayi quśśiśtćha.”

Niźaśa anćhukki tshi k'uñchi matinakaźta, anaź ima ni Yöś paxkan quś pektakama qaminćhuktaćha xalla niźta anaź qama.

Xalla niźtikiśtan anćhukki thakśipan źela niźaśa śuma qamañchiśpanź qama. Niźaśa thappacha anćhukki, anchuka quśtan ni oqśñi Yöśkinź tasna, xalla nïki ni Jesucriśtuź thonan thäta khekićha.

Xalla ni Yöś śuma kintu Khjirtikiśiki, tuź khićha: “Thapa źoñiki tshi paśtuźtaqaśśa, niźaśa nïź aśiki tshi paśtu phxaqallaźtaqaśśa. Xalla ni paśtuki qhonćha, neqhśtan nïź phxaqallaki thxotssa, ans ni Yöś śuma kintuki watay wataź thurćha.”