Versete biblice populare din Насигьятар 2

Împărtășește

Фицики РАББИЙИ тувра аькьюл, ва Дугъан мелзналан ву аьгъюваларна фагьум

Йиз бай, эгер уву кьабул гъапӀиш йиз гафар ва гъюрхиш гъянаъ йиз насигьятар, аькьвлихъ иб хъивиш, юкӀвра фагьмихьна илбициш, эгер уву гъач гъапиш аьгъювалариз, фагьмиз дих апӀури гъашиш, арсси уву думу ккун гъапӀиш, ва хазнаси абгури гъашиш – РАББИЙИХЬАН гучӀ хьайивал фу вуш аьгъю хьибдивуз ва Заанурикан вуйи аьгъювалар гъадагъидива.

Гьадгъу гьязур дапӀна гъалибвал гьякьлуйириз, ва гъалхан – марцциди яшамиш шулайидариз. Гьадгъу уьрхюра жилгъйир, гьякьвалин; Гьадгъан уликк кка рякъяр, Чаз вафалударин.

Фицики дугъри кас хьиди яшамиш жилиин, кацӀну адрур гъузди душвʼин. Хъа жили терг апӀиди гьякьсузар, хаинкрар ччиварианзина уьчӀюргъиди.

Гьамци уьрхидива жвув жарарин хпирихьан, жилирихь хьайирин мани гафарихьан, чан жигьил вахтнахъанмина айи жилир гатӀахьу, Заанурин йикьрар кӀваълан гьарху думу дишагьлийихьан.