Versete biblice populare din Openbaring 8

Împărtășește

Toe die Lam die sewende seël van die boekrol breek, was dit 'n halfuur lank stil in die hemel.

Die eerste engel het sy trompet geblaas. Toe val daar hael en vuur op die aarde, saam met bloed. Een derde van die aarde het verbrand, een derde van die bome het verbrand en al die groen gras het verbrand.

En ek het 'n arend gesien wat hoog in die lug vlieg. Ek het gehoor hy skree hard en hy sê: “Dit sal baie baie sleg gaan met die mense op die aarde wanneer die ander drie engele hulle trompette blaas.”

Die tweede engel het sy trompet geblaas. Ek het iets gesien wat lyk soos 'n groot berg wat brand en wat vol vuur is. Dit het op die see geval, en een derde van die see het bloed geword.

Die derde engel het sy trompet geblaas. Toe val 'n groot ster uit die lug. Dit het gebrand soos 'n fakkel. Die ster het geval op een derde van die riviere en fonteine. Die ster se naam was Wilde-als. Een derde van die water het so bitter soos wilde-als geword, en baie mense het gesterf van die water, want dit het bitter geword.

Die vierde engel het sy trompet geblaas. Een derde van die son en een derde van die maan en een derde van die sterre het donker geword. Een derde van die dag was donker, en die nag was ook donker.