Versete biblice populare din Prediker 12

Împărtășește

Wanneer jy klaar na alles geluister het, dan moet jy dít onthou: Jy moet vir God respekteer en jy moet Hom dien. Jy moet doen wat Hy sê, want Hy sê dit vir elke mens.

Ja, God sal alles oordeel wat jy doen, Hy sal ook die dinge oordeel waarvan ander mense nie weet nie, die goeie dinge én die slegte dinge.

Jy moet dink aan God wat jou gemaak het, jy moet nóú aan Hom dink terwyl jy jonk is, voordat daar slegte dae kom en die jare kom wanneer jy sal sê: “Ek hou nie van hierdie tyd nie.” Jy moet aan God dink voordat jy die son en die maan en die sterre nie meer goed kan sien nie, en voordat die lug vir jou altyd donker lyk nadat dit gereën het.

Jy moet aan God dink vóór daardie dag wanneer die silwer tou breek waarmee jy water uit die put opgetrek het en die goue bak stukkend breek waarin jy die water gegooi het, vóór daardie dag wanneer die waterkruik by die fontein stukkend is, en ook die wen-as bokant die watergat. Dit is die tyd wanneer jy sterf en jou stof teruggaan na die aarde, en wanneer jou asem teruggaan na God wat die asem gegee het.

Die Prediker sê: Niks is soos dit moet wees nie, niks.