Versete biblice populare din A̱romawa 13

Da̱ a̱kwonu a̱kya, nyi kwan nyi swan a̱tan swat, da̱nian nyi ka tai za̱kwa Yesu Kristi a̱ yet A̱tyoli nyin wu, nang á̱niet swanta ba na li a̱ni. A̱wot nyi yok shim nyi nyia̱ a̱di̱dam tazwa nvak nang nyi na nyia̱ a̱ka̱tuk nshyuo nang nvam nyin na chat a̱ni bah.

Nyi yok ba̱ng ta a̱yin bah. Mi̱ ta ku myim á̱ khwi nyin a̱ni, huhwa yet nyi chat á̱ghyang nyin. Ki̱ nyi chat á̱kpa̱ndang swat nyin ba, nyi na nyia̱ kyang nang doka A̱gwaza ji chat a̱ni.

Ku yet ta hwa, konyan ma̱ nyin gu nwuak á̱niet ba̱ nyia̱ tyok tazwa nggu a̱ni shi. Mat kuzang tyok, A̱gwaza wa nwuat huu. A̱wot á̱niet ba̱ ba̱ng ntyok na a̱ni, A̱gwaza wa nsak ba.

A̱tyetuk ka shim tyak. A̱tsotson nang zi̱ na nshya̱ san da̱ a̱vwuo A̱gwaza a̱ni si̱ shim tat. Mat a̱nia, si̱ nyi ghwon a̱ka̱tuk nta̱m nyin wu, na̱ li nang a̱yaatoot ba̱ byia̱ a̱lyuk a̱ni. Da̱ a̱kwonu a̱kya, si̱ nyi swan a̱tan swat a̱ na chok nyin nang nyi ni̱ nkup nkyang nzwang na̱ ya á̱ghyi ma̱ mya̱myat a̱myat a̱ta̱mam a̱ni.

A̱tyu a̱ chat a̱kpa̱ndang swat gu a̱ni, a̱ si̱ mi̱n nyia̱ nggu a̱ka̱tuk bah. Mat a̱nia, chat á̱ghyang hu yet khwi kyang nang doka A̱gwaza ji chat wa a̱ni.

Nyi tan konyan ta hu nang gu khwi nyin a̱ni. Nyi tan kurum ga̱ndu ma̱ng a̱ka̱kurum á̱ghyang nang á̱gwam ba tyei nyin a̱ni. A̱wot nyi fa̱k a̱wun, nyi bu nwuak a̱mgba̱m á̱gwam ba shi.