Versete biblice populare din Ekeliziasiti 2

Împărtășește

Asa pu va qetuna, si ponia ginilagilana, tinumatumae, meke qinetuqetu sa Tamasa, ba koasa tie pu tavete va sea si ponia Sa sa tinavete pude varivarigara meke naqiti tinagotago pude vala ni koarini pu va qetuna sa Tamasa. Hie tugo si loke laena, na hadu luli givusu mo.

Loketoṉa si boka tavete valeania sa tie, ba na hena meke napo meke qetuni mo sari nana tinavete. Ba hie dogoria rau si maena pa limana sa Tamasa, ura pude lopu tavetavete pude va qetua si Asa, si esei si boka hena na napo meke qetuqetu?

Gua, ba totoso viliti rau sari doduru pu taveti sari limaqu meke saripu voriti ni rau pude va evaṉi, si doduru si loke laedi beto mo, na hadu luli givusu mo; loketoṉa si gavoria rau pa kauruna sa rimata.

Lopu hukata pule nau si rau koari doduru pu okoro ni sa mataqu. Lopu koroqu ni rau sari na hahanana qinetuqetu. Qetu beto ni rau sari doduru qua tinavete, meke asa sa qua pinia koari doduru qua ṉinataṉata.

Dogoria rau sapu sa ginilagilana si leana hola nia sa pinekipeki, gua sapu leana hola nia kalalasa sa huporo.

Sa tie gilagilana si koa ia mata batuna, ba sa tie pekipeki si ene pa huporo; ba vagia rau sa binalabala sapu kamo beto mo pa keke ginugua sari karua.

Ura sa tie si kote tavetavete pa nana ginilagilana, tinumatumae, meke binokaboka, meke kote luara beto lani sa koasa pu lopu hite ṉataṉata ni. Hie tugo si loketoṉa laena meke na tinasuna nomana.