Kikia 19
19
Ko na ke tei Efesia ne to
1Apolo déem ta na wo Korinti ne to, Pɔɔl ma zaŋe o beeri o tɔge teene dem tetare o vo o yi Efesia. O na yi da to, o ma na Wɛ chwoŋa tɔgena badwonna, 2ye o bwei-ba o we, “Abam na tu á sɛ Wɛ to, á jwoŋi Wɛ Sin-laao kom na?” Ba ma leiri‑o ba we, “Aawo, dé ta wo maŋe dé lɔre we Wɛ Sin-laao wora.” 3O daa ma bwei o we, “Á nam na jwoŋi sɛɛm to, á jwoŋi tetɛ seeni mo?” Ba maa we, “Ko ye Jɔn na pɛ nɔɔna sɛɛm tei to mo dé jwoŋi.” 4Pɔɔl laam ma ta o we, “Ko ná ye Jɔn nyem dem, wonto déem bere nɔɔna se ba leiri ba wo de ba keim-balwaaro tem, se ba daare ba jwoŋi sɛɛm Wɛ ŋwaane mo.#Luka 3:2-3 O ma ta de nɔɔna bam se ba ke ba wo-dedoa de wolo wom na wó saŋe o kwaga o ba to. Yezu mo konto.”
5Nɔɔna bam na nigi konto to, ba ma jwoŋi sɛɛm dé Teiru Yezu yere ŋwaane. 6Pɔɔl ma zi zi o jea ba baŋa ne. Wɛ Sin-laao kom laam ma ba ba tei. Ba ma ŋɔɔne ta-gɛ dwi dwi ye ba daare ba pworisi Wɛ kwora kam. 7Ba maama ye nenɛɛne baara fuga-balei mo.
8Pɔɔl déem ma ke chane setɔ Efesia ne. O maa yeini o vei o zoore Juu tiina jeerim diga kam o ŋɔɔne de baare o bere-ba. O ma kwaane o mage ni-kantɔgɔ de-ba se o pa ba lɔre Wɛ paare dem na ye tei to. 9Nɔɔna bam badwonna ma se ba zwa, ye ba ve se ba sɛ o taane dem. Ba maa jege dé Teiru wom chwoŋa kam tɔgem ba yaala nɔɔna bam maama yiga ne. Pɔɔl ma viiri o daare-ba. O ma pwɛ balo na sɛ ba tɔge Yezu to o yage o tei ne. Dɛ maama o maa yeini o ŋɔɔne o bere nɔɔna Tiranus zamesem diga kam ne. 10Ko ma ke konto dwoŋi taa, bena yalei. Ko ma pa se nɔɔna balo maama na zoore Asia teene dem ne to ba ba ni dé Teiru wom taane dem, Juu tiina de dwi-gɛ tiina de.
11Wɛ déem tɔge Pɔɔl jeŋa mo o ma ke wo-kenkagela yalo dwoŋi na maŋe ya tera to. 12Ko déem na ke tei to, nɔɔna wó kwei gare-bia naa totoŋa gwaaro telo Pɔɔl tete na zo o daare to ba ja vo ba pa jaweena pa ba na yazura, ye chichiri de yage-ba.
13Juu tiina badwonna de maa wora ba na yeini ba beeri ba zeili chichiri nɔɔna tei ne. Banto de déem ma kwaane se ba tɔge dé Teiru Yezu yere ŋwaane mo ba ke konto. Ba maa yeini ba tɛ de chichiri sem we, “Yezu wolo Pɔɔl na bere o taane to yere ŋwaane mo amo tɛ abam se á viiri.”
14Baara barepɛ déem mo wora, ba kwo yere na ye Sikiva ye o ye Juu tiina kaanem nakwe tu. Ba maa ke konto dwoŋi ba zeili chichiri nɔɔna tei ne. 15Chichira kadwoŋi laam ma ta de-ba ka we, “Amo maŋe a yei Yezu. Amo yei Pɔɔl de ni ne. Se abam ye bera mo?”
16Nɔɔno wom chichira kam na tɔge‑o to laam ma zaŋe o puuri-ba. O ma wane-ba pa ba maama duri ba nwoŋi o sɔŋɔ kom ne de kuri-nɔrɔ, ye ba yera jege fufwollu. 17Nɔɔna balo maama na zoore Efesia ne to ma lɔre konto na ke to, Juu tiina de dwi-gɛ tiina maama. Foone ma zo-ba dedɛ. Ko ma pa se dé Teiru Yezu yere tiini de zaŋe de zula. 18Nɔɔna balo na tu ba sɛ Yezu to dedɛ ma zaŋe ba zege nɔɔna yiga ne ba ta ba bere jaja ba na ke ba chɔge tei to. 19Ba badwonna dedɛ ya na yeini ba tɔge liri kikia to ma kwei ba liri keim twanno tem ba vwei daane ye ba daare ba zwɛ-te nɔɔna maama yiga ne. Ba ma jeeli twanno tem sabu ba nii ko ya na wó taa ye tei to. Ko ma yi lu-nyenno sabu-dala morro finnu (50,000). 20Dé Teiru wom na bere o dam konto dwoŋi to ma pa se o taane dem fɔge de jage jei maama ye nɔɔna sɛ-de.
21Wonnu tento déem na ke te kɛ to, Pɔɔl boboŋa ma ja se o beeri o tɔge Makedonia de Akaya wo se o laam kɛ o vo Jerusalem. O ma boŋe o we, “Amo ná vei a wo Jerusalem ne, a jege se a daare a vo Rom mo de.” 22O ma toŋe nɔɔna balei se ba da yiga ba vo Makedonia. Banto maa ye Timoti de Erasitu, ba na tɔge ba toŋe ba pa‑o to. O tete ma maŋe Asia ne se ko dáane fee.
23Da yam konto ne mo lɛɛro dedɛ tua dé Teiru Yezu chwoŋa kam ŋwaane. 24Nɔɔno wodwoŋi déem mo wo Efesia ne, o yere mo Demetiru. O ye gɔgɔ mo ye o mae lu-nyenno o mɔɔne kamwaro pa te nye de diga kalo ba na zuli ba wɛ Atamisa ka wone to. O totoŋa yam maa jaane nyɔɔre dedɛ ya pae o gɔ-bia bam. 25O ma zaŋe o bwoŋi ba maama, de balo de na toŋe totoŋa yanto dwoŋi to o ke daane. O ma ta de-ba o we, “A badwonna bam, abam maŋe á yei we totoŋe delo dé na toŋe to mo pae se dé jeŋa gara. 26Abam nam nɛa ye á kwori á ni nɔɔno wonto Pɔɔl na ke tei to. O yeini o tɛ we nabiina na mɛ ba jea ba ke wonnu telo to bá wane te taa ye wa chekke. O ke konto mo o soge nɔɔna dedɛ pa se ba sɛ o taane dem, ye ko dae Efesia yerane wone mo o ke konto, ko maŋe ko daare fee mo se ko taa ye Asia jei sem maama. 27Konto maama wae ko pa se nɔɔna ŋɔɔne ba chɔge debam totoŋe dem. Ko ta woli da, ba laam wó yaale debam wɛ-kamunu Atamisa diga kam ye ba pa ka taa ye kafɛ. Kolo na daare to mo ye se o tete yere dem na chɔgem nɔɔna tei ne, ye wonto ye wɛ delo nɔɔna maama na zuli Asia jei sem ne de logo baŋa maama wone to.”
28Nɔɔna bam na nigi konto to, ba bane ma tiini de zaŋe dedɛ ye ba bage ba we, “Debam Efesia tiina wɛ Atamisa mo jege dam!” 29Sɔɔ laam ma tiini ko ke teo kom maama wone bɔge-bɔge. Nɔn-kɔgɔ kom ma vo ba zi Gayus de Arisaka ye ba ke lela ba vaŋe-ba ba ja vo teo kom jeerim jei sem. Nɔɔna banto balei ya tɔge de Pɔɔl mo ba nwoŋi Makedonia ba ba.#Rom 16:23 30Pɔɔl ma boŋe se o vo o zege kɔgɔ kom yiga ne o ŋɔɔne de-ba. Yezu tɔgena bam maa wo sɛ ba pa‑o chwoŋa. 31Teo kom dedɛɛra badwonna ya di badwoŋo de Pɔɔl. Ba ma toŋe ni ba lwoori‑o se o yé zaŋe o vo jeerim jei sem. 32Jeerim jei sem ne ko maama maa ye sɔɔ yerane bɔge-bɔge. Nɔɔno maama maa tiini o ŋɔɔne o boboŋa taane de kwor-dɛa. Nɔɔna bam dedɛ maa maŋe ba yeiri woŋo kolo ŋwaane ba na lage daane to. 33Juu tiina bam ma le Alezanda se o nwoŋi o zege kɔgɔ kom yiga ne o ŋɔɔne. Kɔgɔ kom nɔɔna badwonna ma kwaane ba bere‑o o na wó ke tei. O ma zeiŋi o jeŋa ba baŋa ne, ye o bobo se o tole kolo na ke to o bere nɔn-kɔgɔ kom. 34Ba nam na lɔre we o ye Juu tu to, ba maama ma tɔge daane ba tiini ba bage bedwe ba we, “Debam Efesia tiina wɛ Atamisa jege dam!” Ba ke konto mo taa, se ko maŋe de awa balei.
35Teo kom takadaa kam laam ma kwaane o pa se kɔgɔ kom bochara peini tega ne. O ma ta de-ba o we, “Amo dwonna Efesia tiina bam, nɔɔn-nɔɔno tera o na yeiri we debam wɛ-kamunu Atamisa diga kam zege Efesia wone ywoba seeni, ye debam mo nii ka baŋa ne. Dé ta kwori dé jege o kamɔgɔ kolo na nwoŋi wɛyuu ne ko to tega ne to dé nia. 36Nɔɔn-nɔɔno bá wane o ta we konto ye vwa. Konto ŋwaane ko maŋe se á pa á bochara peini tega ne, se á yé gare á ke kolokolo. 37Nii-na abam na jaane nɔɔna banto balei á ba ywo, ye ba wo ŋɔge debam wɛ-di sem wonnu naa ba ŋɔɔne ba yaale debam wɛ dem. 38Ko nam ná ye Demetiru de o nɔɔna bam, ba ná jege nɔɔno taane, chwoŋa wora se ba vo kɔɔte ba saŋe‑o dedɛɛra bam yiga ne. Mo ba na jege se ba ke tei. 39Ko daare abam ta ná jege bwia se á woli da, dé jege se dé bwoŋi teo kom nɔɔna se ba la daane, ne ko na wó tɔge chwoŋa tei to. Dé laam wó wane dé ŋɔɔne taane dem dé nii. 40Kolo na ke zem to wó wane ko pa Rom tiina bam chwoŋa se ba ta we, dé zem lage daane dé tiini dé ke chichuŋu. Sɔɔ kom na su teo kom maama to ba jege kuri. Ba ná bwei debam ko ŋwaane, dé bá wane dé ŋɔɔne dé jwoŋi dé tete.” 41O na tage konto o ti to, o ma ta de nɔn-kɔgɔ kom pa se ba viiri.
Atualmente Selecionado:
Kikia 19: KBG
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)
Kikia 19
19
Ko na ke tei Efesia ne to
1Apolo déem ta na wo Korinti ne to, Pɔɔl ma zaŋe o beeri o tɔge teene dem tetare o vo o yi Efesia. O na yi da to, o ma na Wɛ chwoŋa tɔgena badwonna, 2ye o bwei-ba o we, “Abam na tu á sɛ Wɛ to, á jwoŋi Wɛ Sin-laao kom na?” Ba ma leiri‑o ba we, “Aawo, dé ta wo maŋe dé lɔre we Wɛ Sin-laao wora.” 3O daa ma bwei o we, “Á nam na jwoŋi sɛɛm to, á jwoŋi tetɛ seeni mo?” Ba maa we, “Ko ye Jɔn na pɛ nɔɔna sɛɛm tei to mo dé jwoŋi.” 4Pɔɔl laam ma ta o we, “Ko ná ye Jɔn nyem dem, wonto déem bere nɔɔna se ba leiri ba wo de ba keim-balwaaro tem, se ba daare ba jwoŋi sɛɛm Wɛ ŋwaane mo.#Luka 3:2-3 O ma ta de nɔɔna bam se ba ke ba wo-dedoa de wolo wom na wó saŋe o kwaga o ba to. Yezu mo konto.”
5Nɔɔna bam na nigi konto to, ba ma jwoŋi sɛɛm dé Teiru Yezu yere ŋwaane. 6Pɔɔl ma zi zi o jea ba baŋa ne. Wɛ Sin-laao kom laam ma ba ba tei. Ba ma ŋɔɔne ta-gɛ dwi dwi ye ba daare ba pworisi Wɛ kwora kam. 7Ba maama ye nenɛɛne baara fuga-balei mo.
8Pɔɔl déem ma ke chane setɔ Efesia ne. O maa yeini o vei o zoore Juu tiina jeerim diga kam o ŋɔɔne de baare o bere-ba. O ma kwaane o mage ni-kantɔgɔ de-ba se o pa ba lɔre Wɛ paare dem na ye tei to. 9Nɔɔna bam badwonna ma se ba zwa, ye ba ve se ba sɛ o taane dem. Ba maa jege dé Teiru wom chwoŋa kam tɔgem ba yaala nɔɔna bam maama yiga ne. Pɔɔl ma viiri o daare-ba. O ma pwɛ balo na sɛ ba tɔge Yezu to o yage o tei ne. Dɛ maama o maa yeini o ŋɔɔne o bere nɔɔna Tiranus zamesem diga kam ne. 10Ko ma ke konto dwoŋi taa, bena yalei. Ko ma pa se nɔɔna balo maama na zoore Asia teene dem ne to ba ba ni dé Teiru wom taane dem, Juu tiina de dwi-gɛ tiina de.
11Wɛ déem tɔge Pɔɔl jeŋa mo o ma ke wo-kenkagela yalo dwoŋi na maŋe ya tera to. 12Ko déem na ke tei to, nɔɔna wó kwei gare-bia naa totoŋa gwaaro telo Pɔɔl tete na zo o daare to ba ja vo ba pa jaweena pa ba na yazura, ye chichiri de yage-ba.
13Juu tiina badwonna de maa wora ba na yeini ba beeri ba zeili chichiri nɔɔna tei ne. Banto de déem ma kwaane se ba tɔge dé Teiru Yezu yere ŋwaane mo ba ke konto. Ba maa yeini ba tɛ de chichiri sem we, “Yezu wolo Pɔɔl na bere o taane to yere ŋwaane mo amo tɛ abam se á viiri.”
14Baara barepɛ déem mo wora, ba kwo yere na ye Sikiva ye o ye Juu tiina kaanem nakwe tu. Ba maa ke konto dwoŋi ba zeili chichiri nɔɔna tei ne. 15Chichira kadwoŋi laam ma ta de-ba ka we, “Amo maŋe a yei Yezu. Amo yei Pɔɔl de ni ne. Se abam ye bera mo?”
16Nɔɔno wom chichira kam na tɔge‑o to laam ma zaŋe o puuri-ba. O ma wane-ba pa ba maama duri ba nwoŋi o sɔŋɔ kom ne de kuri-nɔrɔ, ye ba yera jege fufwollu. 17Nɔɔna balo maama na zoore Efesia ne to ma lɔre konto na ke to, Juu tiina de dwi-gɛ tiina maama. Foone ma zo-ba dedɛ. Ko ma pa se dé Teiru Yezu yere tiini de zaŋe de zula. 18Nɔɔna balo na tu ba sɛ Yezu to dedɛ ma zaŋe ba zege nɔɔna yiga ne ba ta ba bere jaja ba na ke ba chɔge tei to. 19Ba badwonna dedɛ ya na yeini ba tɔge liri kikia to ma kwei ba liri keim twanno tem ba vwei daane ye ba daare ba zwɛ-te nɔɔna maama yiga ne. Ba ma jeeli twanno tem sabu ba nii ko ya na wó taa ye tei to. Ko ma yi lu-nyenno sabu-dala morro finnu (50,000). 20Dé Teiru wom na bere o dam konto dwoŋi to ma pa se o taane dem fɔge de jage jei maama ye nɔɔna sɛ-de.
21Wonnu tento déem na ke te kɛ to, Pɔɔl boboŋa ma ja se o beeri o tɔge Makedonia de Akaya wo se o laam kɛ o vo Jerusalem. O ma boŋe o we, “Amo ná vei a wo Jerusalem ne, a jege se a daare a vo Rom mo de.” 22O ma toŋe nɔɔna balei se ba da yiga ba vo Makedonia. Banto maa ye Timoti de Erasitu, ba na tɔge ba toŋe ba pa‑o to. O tete ma maŋe Asia ne se ko dáane fee.
23Da yam konto ne mo lɛɛro dedɛ tua dé Teiru Yezu chwoŋa kam ŋwaane. 24Nɔɔno wodwoŋi déem mo wo Efesia ne, o yere mo Demetiru. O ye gɔgɔ mo ye o mae lu-nyenno o mɔɔne kamwaro pa te nye de diga kalo ba na zuli ba wɛ Atamisa ka wone to. O totoŋa yam maa jaane nyɔɔre dedɛ ya pae o gɔ-bia bam. 25O ma zaŋe o bwoŋi ba maama, de balo de na toŋe totoŋa yanto dwoŋi to o ke daane. O ma ta de-ba o we, “A badwonna bam, abam maŋe á yei we totoŋe delo dé na toŋe to mo pae se dé jeŋa gara. 26Abam nam nɛa ye á kwori á ni nɔɔno wonto Pɔɔl na ke tei to. O yeini o tɛ we nabiina na mɛ ba jea ba ke wonnu telo to bá wane te taa ye wa chekke. O ke konto mo o soge nɔɔna dedɛ pa se ba sɛ o taane dem, ye ko dae Efesia yerane wone mo o ke konto, ko maŋe ko daare fee mo se ko taa ye Asia jei sem maama. 27Konto maama wae ko pa se nɔɔna ŋɔɔne ba chɔge debam totoŋe dem. Ko ta woli da, ba laam wó yaale debam wɛ-kamunu Atamisa diga kam ye ba pa ka taa ye kafɛ. Kolo na daare to mo ye se o tete yere dem na chɔgem nɔɔna tei ne, ye wonto ye wɛ delo nɔɔna maama na zuli Asia jei sem ne de logo baŋa maama wone to.”
28Nɔɔna bam na nigi konto to, ba bane ma tiini de zaŋe dedɛ ye ba bage ba we, “Debam Efesia tiina wɛ Atamisa mo jege dam!” 29Sɔɔ laam ma tiini ko ke teo kom maama wone bɔge-bɔge. Nɔn-kɔgɔ kom ma vo ba zi Gayus de Arisaka ye ba ke lela ba vaŋe-ba ba ja vo teo kom jeerim jei sem. Nɔɔna banto balei ya tɔge de Pɔɔl mo ba nwoŋi Makedonia ba ba.#Rom 16:23 30Pɔɔl ma boŋe se o vo o zege kɔgɔ kom yiga ne o ŋɔɔne de-ba. Yezu tɔgena bam maa wo sɛ ba pa‑o chwoŋa. 31Teo kom dedɛɛra badwonna ya di badwoŋo de Pɔɔl. Ba ma toŋe ni ba lwoori‑o se o yé zaŋe o vo jeerim jei sem. 32Jeerim jei sem ne ko maama maa ye sɔɔ yerane bɔge-bɔge. Nɔɔno maama maa tiini o ŋɔɔne o boboŋa taane de kwor-dɛa. Nɔɔna bam dedɛ maa maŋe ba yeiri woŋo kolo ŋwaane ba na lage daane to. 33Juu tiina bam ma le Alezanda se o nwoŋi o zege kɔgɔ kom yiga ne o ŋɔɔne. Kɔgɔ kom nɔɔna badwonna ma kwaane ba bere‑o o na wó ke tei. O ma zeiŋi o jeŋa ba baŋa ne, ye o bobo se o tole kolo na ke to o bere nɔn-kɔgɔ kom. 34Ba nam na lɔre we o ye Juu tu to, ba maama ma tɔge daane ba tiini ba bage bedwe ba we, “Debam Efesia tiina wɛ Atamisa jege dam!” Ba ke konto mo taa, se ko maŋe de awa balei.
35Teo kom takadaa kam laam ma kwaane o pa se kɔgɔ kom bochara peini tega ne. O ma ta de-ba o we, “Amo dwonna Efesia tiina bam, nɔɔn-nɔɔno tera o na yeiri we debam wɛ-kamunu Atamisa diga kam zege Efesia wone ywoba seeni, ye debam mo nii ka baŋa ne. Dé ta kwori dé jege o kamɔgɔ kolo na nwoŋi wɛyuu ne ko to tega ne to dé nia. 36Nɔɔn-nɔɔno bá wane o ta we konto ye vwa. Konto ŋwaane ko maŋe se á pa á bochara peini tega ne, se á yé gare á ke kolokolo. 37Nii-na abam na jaane nɔɔna banto balei á ba ywo, ye ba wo ŋɔge debam wɛ-di sem wonnu naa ba ŋɔɔne ba yaale debam wɛ dem. 38Ko nam ná ye Demetiru de o nɔɔna bam, ba ná jege nɔɔno taane, chwoŋa wora se ba vo kɔɔte ba saŋe‑o dedɛɛra bam yiga ne. Mo ba na jege se ba ke tei. 39Ko daare abam ta ná jege bwia se á woli da, dé jege se dé bwoŋi teo kom nɔɔna se ba la daane, ne ko na wó tɔge chwoŋa tei to. Dé laam wó wane dé ŋɔɔne taane dem dé nii. 40Kolo na ke zem to wó wane ko pa Rom tiina bam chwoŋa se ba ta we, dé zem lage daane dé tiini dé ke chichuŋu. Sɔɔ kom na su teo kom maama to ba jege kuri. Ba ná bwei debam ko ŋwaane, dé bá wane dé ŋɔɔne dé jwoŋi dé tete.” 41O na tage konto o ti to, o ma ta de nɔn-kɔgɔ kom pa se ba viiri.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)